بەرێوەبەری سایلۆی هەولێر لەسەر كەم تەرخەمی لە پۆستەکەی دوورخرایەوە
دوای ئەوەی ئاشکرا بوو گەنمی پیس و خراپ و کۆن لە سایلۆی هەولێر کراوەتە ئارد و دراوەتە هاووڵاتیان ، بەرێوەبەری سایلۆی هەولێر لەسەر کەمتەرخەمی و گومان کردن لە گەندەڵی لە کارەکەی دوور خرایەوە .
بە پێی زانیاریەکان بڕی 15 تەن گەنمی کۆن و پیس تێکەڵ بە کۆگاکانی گەنم کراوەو دراوەتە ئاشەکان و کراوەتە ئارد ، دوواتر هاووڵاتیان بە هۆی خراپی کوالیتی ئاردەکە ناڕەزایەتی دەردەبڕن و لە تۆڕە کۆمەڵایەتیەکان بڵاوی دەکەنەوە .
ئەوەش دەبێتە هۆکارێک حکومەت بەدواداچوون بکات و لیژنەی بەدواداچوون بۆ ئەم دیاردەیە دەست نیشان بکات .
لەمبارەوە سەردار قوربانی وتەبێژی وەزارەتی بازرگانی و پیشەشازی هەرێم لە لێداونێکدا بۆ دەزگاكانی ڕاگەیاندن گوتی : لەسەر كۆمەڵێك تێبینی و ڕاپۆرت لەسەر بەڕێوەبەر و سایلۆی هەولێرکە سۆشیال میدیاشی بەخۆوە سەرقاڵ کردبوو ، لیژنەیەكی یاسایی لەسەر فەرمانی وەزیری بازرگانی و پیشەسازی پێكهات و گەیشتنە ئەو ئەنجامەی بەرپرسی سایلۆی هەولێر تا ئەنجامی کۆتایی و یاسایی لە کارەکەی دوور بخرێتەوە .
