به‌رپرسێكی گۆڕان: زانیاری له‌باره‌ی رێكخه‌رانی خۆپیشاندانه‌كه‌ی هه‌ڵه‌بجه ده‌خاته‌ڕوو
دوای ئه‌وه‌ی ئه‌مڕۆ له سه‌نته‌ری پارێزگای هه‌ڵبجه به بیانی ده‌ستگیركردنی رۆژنامه‌نووسێك خۆپیشاندانێك له‌لایه‌ن چه‌ند كه‌سێك به‌ڕێوه‌چوو، به‌رپرسێكی مه‌كۆی بزووتنه‌وه‌ی گۆڕان زانیاری له باره‌ی رێكخه‌رانی خۆپیشاندانه‌كه بۆ خواكوڕك ئاشكرا كردوو رایگه‌یاند كه كادری گۆڕان و یه‌كێتی و كۆمه‌ڵی ئیسلامی به‌شداری خۆپیشاندانه‌كه‌یان كردووه.
ئه‌و به‌رپرسه‌ی گۆڕان راشیگه‌یاندووه كه هه‌موو ئه‌و ده‌موو چاوانه ناسراون له‌سه‌ر ئاستی هه‌ڵه‌بجه كه كۆمه‌ڵێك كادری ده‌ركراوی گۆڕان و كۆمه‌ڵ و یه‌كێتی ئیسلامی بوونه، مه‌به‌ست له هه‌ڵبژاردنی سه‌نته‌ری بازاڕی هه‌ڵه‌بجه بۆ خۆپیشاندان ته‌نها ئه‌وه‌بووه كه دڵنیا بوونه كه رێكخه‌ران كاریگه‌ری ئه‌و تۆیان نیه له‌سه‌ر جه‌ماوه‌ر ئه‌گه‌ر خۆپیشاندان له سه‌نته‌ری شار ئه‌نجام نه‌ده‌ن كه‌مترین كه‌س به‌شداری ده‌كرد.
ئه‌و به‌رپرسه له باره‌ی به‌شداربوویه‌كی خۆپیشاندانه‌كه رایگه‌یاندووه كه یه‌كێك له خۆپیشاندانه‌كان ناوی محه‌مه‌د حەمە ڕەزا یه كه لە كۆنفرانسی چەند ساڵ لەمەوبەری لقی ١٢ تەنھا ٧ دەنگی ھێناو دەرنەچوو،دواتر بویە یەكێتی و پاشان ببویە گۆڕان و لە ھەڵبژاردنی ساڵی ٢٠١٤ تەنھا ٦٧ دەنگی ھێناو دواتر لە ھەڵبژاردنی مەكۆی ھەڵەبجە لەگەڵ ھادی ڕەشید لە گۆڕان دەركران
هه‌روه‌ها گوتیشی گومان ده‌كه‌ین كه ئه‌مجاره بە نیازی ھەڵبژاردنێكی تر كەوتبنە خۆگەرم كردن بۆ چونە ناو حزبێكی تر
