له ئۆپراسیۆنێكی هێزه عێراقیه‌كان له دیاله حه‌وت سه‌ربازی عێراقی بوونه قوربانی
دوای ئه‌وه‌ی ئه‌مڕۆ ئۆپراسیۆنی پاڵه‌وانه‌كانی عیراق له دیاله به‌ڕێوه‌چوو بۆ راوه‌دوونانی تیرۆریستانی داعش له كاتی به‌ڕێ،ه‌چوونی ئۆپراسیۆنه‌كه دوو بۆمب به هێزه ئه‌منیه‌كاندا ته‌قیه‌وه و به‌هۆیه‌وه سێ كه‌س كوژراون و حه‌وتی دیكه برینداربوون.
شانه‌ی راگه‌یاندنی ئه‌منی عیراق بڵاویكرده‌وه، له كاتی به‌ڕێوه‌چوونی قۆناغی چواره‌می ئۆپراسیۆنی پاڵه‌وانه‌كان له دیاله كه بۆ راوه‌دونانی چه‌كدارانی داعش ده‌ستیپێكردووه، دوو بۆمب به هێزه‌كانی حه‌شدی شه‌عبی و دژه‌تیرۆردا ته‌قیونه‌ته‌وه.
راشیگه‌یاند، له ته‌قینه‌وه‌ی یه‌كه‌مدا بۆمبێكی چێنراو به كاروانی ئۆتۆمبێله‌كانی حه‌شدی شه‌عبیدا ته‌قیوه‌ته‌وه و به هۆیه‌وه سێ چه‌كداریان كوژراون و پێنجی تریشیان برینداربوون.
ئاماژه‌ی به‌وه‌شكردووه، ته‌قینه‌وه‌ی دووه‌میش له رێگه‌ی بۆمبی چێنراوه‌وه بووه و هێزێكی دژه‌تیرۆر كراوه‌ته ئامانج و به هۆیه‌وه دوو ئه‌ندامی ئه‌و هێزه برینداربوون.
