شاندێكی پارتی بۆ تاوتێكردنی یاسای هه‌ڵبژاردنه‌كان سه‌ردانی به‌غدایانكرد
دوای ئه‌وه‌ی یاسای هه‌ڵبژاردنه‌كانی عێراق هه‌ڵوه‌شایه‌وه‌و بڕیاره یاسایه‌كی دیكه‌ی فره‌بازنه‌یی له عێراقدا بۆ هه‌ڵبژاردنی داهاتوو جێبه‌جێ بكرێت ئه‌مه‌ش مشتومڕی زۆری له لایه‌ن پێكهاته سه‌ره‌كیه‌كانی عێراق و لایه‌نه سیاسیه‌كان دروست كردووه بۆ تاوتوێكردنی ئه‌م پرسه شاندێكی پارتی دیموكراتی كوردستان سه‌ردانی به‌غدایانكرد.
خه‌سرۆ گۆران به‌رپرسی ده‌سته‌ی هه‌ڵیژاردنی پارتی دیموكراتی كوردستان و سه‌رۆكی شاندی پارتی بۆ به‌غدا رایگه‌یاندووه هێشتا ئه‌جێندای گفتوگۆ و سه‌ردانی لایه‌نه‌كانمان دانه‌ڕشتووه، بۆیه هێشتا زووه باسی سه‌ردانی شانده‌كه بۆ به‌غدا بكه‌ین و دواتر ورده‌كاری زیاتر ده‌خه‌ینه‌ڕوو.
سه‌رۆك وه‌زیرانی حكومه‌تی كاتی عێراق، مسته‌فا كازمی، وه‌ك وه‌ڵامدانه‌وه‌یه‌ك بۆ خواستی ئه‌و خۆپیشانده‌رانه‌ی له مانگی ئۆكتۆبه‌ری ساڵی رابردووه‌وه داوای گۆڕانكاری له وڵات ده‌كه‌ن، رۆژی 6ی حوزه‌یران/ یۆنیۆی 2021ی ده‌ستنیشانكرد بۆ به‌ڕێوه‌چوونی پرۆسه‌ی هه‌ڵبژاردنی گشتیی له عێراقدا.
