نێچیرڤان بارزانی: بە نیگەرانییەکی زۆرەوە چاودێریی دوایین هێرش و هەڕەشەکان دژی ئەرکە دیپلۆماسییەکان و بنکە سەربازییەکانی هاوپەیمانیی نێودەوڵەتی دەکەین
دوای ئەوەی لە ماوەی رابردوو هێرشکردنە سەر بارەگاکانی هاوپەیمانان و نوێنەرە دیپلۆماسییەکانی وڵاتانی جیهانی لە ناوەڕاست و باشوری عێراق زیادی کرد سەرۆکی هەرێمی کوردستان رایگه‌یاند كه نیگەرانن لە هێرش و هەڕەشەی ئەم دواییەی سەر ئەرکە دیپلۆماسییەکان و بنکەکانی هاوپەیمانیی نێودەوڵەتی، ئامادەشن هاوکاریی عیراق بکەن بۆ دابینکردنی ئاسایش و سەقامگیری.
نێچیرڤان بارزانی، سەرۆکی هەرێمی کوردستان له هەژماری تایبەتیی خۆی تۆری كۆمه‌ڵایه‌تی تویته‌ر نوسیویەتی، پشتیوانی هەوڵی سەرکردە عیراقییەکان دەکەن بۆ رێگریکردن لەو هێرشانە و ئامادەی هاوکارین بۆ دڵنیابوونەوە لە ئاسایش و سەقامگیریی لە وڵاتدا.
دەقی تویتەکەی نێچیرڤان بارزانی:
بە نیگەرانییەکی زۆرەوە چاودێریی دوایین هێرش و هەڕەشەکان دژی ئەرکە دیپلۆماسییەکان و بنکە سەربازییەکانی هاوپەیمانیی نێودەوڵەتی دەکەین کە عیراقییەکان لە “تیرۆر” دەپارێزن. پاڵپشتی لە هەوڵی سەرکردە عیراقییەکان بۆ رێگەگرتن لە هێرشی زیاتر دەکەین و ئامادەین یارمەتیدەربین بۆ دڵنیابوونەوە لە ئاسایش و سەقامگیری لە وڵاتدا.
