سه‌رۆكی په‌رله‌مانی ئێران تووشی كۆرۆنا بوو
سەرۆکی پەرلەمانی ئێران لە توویتێکدا رایگەیاند، وەڵامی پشکنینی کۆرۆنای پۆزەتیڤ بووە و ئێستا کەرەنتینکراوە و لەوێوە بەدواداچوون بۆ ئەرکەکانی دەکات.
بە وتەی محەمەد باقر قاڵیباف، سەرۆکی پەرلەمانی ئێران، یەکێک لە فەرمانبەرانی نووسینگەکەی کۆرۆنای گرتووە، ئەویش پشکنینی کردووە و نیوەشەوی ئەمشەو وەڵامی دراوەتەوە کە پۆزەتیڤ بووە.
محەمەد باقر قاڵیباف، سەردانی نەخۆشخانەی تایبەت بە چارەسەرکردنی تووشبووانی کۆرۆنای لە تاران کرد، ئەمە رەخنەی حکومەتی حەسەن رووحانی لێکەوتەوە. عەلیڕەزا مۆعێزی، جێگری نووسینگەی حەسەن رووحانی، سەرۆک کۆماری ئێران گوتی: ئەمە پێشێلکردنی رێوشوێنە تەندروستییەکان، بە هەر ئامانجێک بێت.
