ھێرشی مووشەکی بۆسەر کابول پایتەختی ئەفغانستان
لە ئه‌نجامی ئاراستەکردنی ١٤ مووشەک بۆسەر کابول پایتەختی ئەفغانستان، ١٤ کەس کوژران و برینداربوون.
گوتەبێژی وەزارەتی ناوخۆی ئەفغانستان، تارق ئاریان لە راگەیەنراوێکدا ئاماژەی بەوەداوە دوای چەند کاتژمێر لە روودانی دوو تەقینەوە لە شاری کابول، ١٤ مووشەک ئاراستەی شارەکە کراوە.
لای خۆیەوە گوتەبێژی پۆلیسی کابول، فیردەوس فەرامەرز بە ئاژانسی ئانادۆڵوی راگەیاند کە لە ئاکامی ئاراستەکردنی ئەو مووشەکانەدا بۆسەر کابول، بەرپرسێک لە وەزارەتی بەرگریی و دوو کەسی دیکە کوژراون و ١١ کەسی دیکەیش برینداربوون.
تا ئێستا ھیچ لایەنێک بەرپرسیاریەتی خۆی لە ئەنجامدانی ئەو ھێرشە مووشەکییە بۆسەر کابول، رانەگەیاندوووە
