پارتی كۆتایی بەعێراق دێنێت و بەشداری هەڵبژاردن عێراق ناكات
خواكوڕك
كەناڵی رووداو بڵاوی كردەوە كە دەنگێكی بەهێز لەناو پارتی هەیە كە بەشداری هەڵبژاردنی عێراق نەكات وەك میدیاكە بڵاوی كردەوە، پارتی دەیەوێ بۆ جیابوونەوە لە عێراق هەنگاوی نوێ بهاوێت. هەنگاوێک کە لەنێو ئەو حیزبەدا کۆدەنگیی دروستکردووە. زۆرینەی هەرە زۆری سەرکردایەتی بە بارزانیشەوە دەیانەوێ پارتی لە هەڵبژاردنەکانی ئەمجارەی عێراقدا بەشداریی نەکات.
هەر بەگوێرەی زانیاریەكانی ئەو كەناڵە پارتی جێی وەزیرەکانی لە بەغدا، بە پۆستی وەزیری داراییشەوە، پڕناکاتەوە. نەک هەر ئەوەندە، بگرە ئیدی هیچ پۆستێکی دیکەش لە بەغدا وەرناگرێ.
جەعفەر ئیبراهیم، ئەندامی مەکتەبی سیاسی پارتی قسەی کۆتایی حیزبەکەی لەسەر بەغدا ئاشکرا دەکات بە كەناڵەكەی راگەیاندووە: “پارتی بە جددی باسی ئەوە دەکات ئایا بەشداری بکات لەهەڵبژاردنەکانی داهاتووی عێراق یان نا! چونکە ئێستا رایەکی زاڵ لەنێو پارتیدا هەیە کە چیدیکە بەشداری نەکەن لە هەڵبژاردنەکانی عێراقدا و ئەم رایە زۆر بەهێزە”.
هەر بەگوێرەی زانیاریەكان هاتنی شاندی هاوپەیمانی نیشتمانیی شیعە لە چەند رۆژی رابردوودا بۆ هەولێر، بڕیاری پارتی بۆ کشانەوەی زووتر لە بەغدا هەڵپەسار د. عەمار حەکیم، کە بە پیاوە میانەڕەوەکەی شیعەکان دادەنرێت، داوایکردووە هەولێر چانسێکی دیکە بداتەوە بەغدا.
