پۆلیسی هەولێر کەسێکی بە تۆمەتی دزی کردن لە گەراجی مزگەوتی سەواف دەستگیر کرد
![](https://xwakurk.com/wp-content/uploads/2021/01/208190D5-BFBF-4692-8B3D-F23BDBA25E23.jpeg)
دوای ئەوەی چەند حالەتێکی دزی کردن لە ناو گەراجی مزگەوتی سەواف ئەنجامدرا، بهڕێوهبهرایهتیی پۆلیسی هەولێر دهستگیركردنی تۆمەتباری دزیەکەی راگەیاند.
بەرێوەبەرایەتی پۆلیسی هەولێر لەڕاگەیەندراوێكدا ئاشكرایكرد كه بەشی پۆلیسی ناوشار/ رۆژئاوا، بنكەی پۆلیسی خانەقا، دوای ئەوەی لە چەند حاڵەتێكی دزیكردن لەناو گەراجی مزگەوتی (صەواف) ئاگادار كرانەوە، دەستبەجێ دەستیان بە لێكۆڵینەوە كرد و دوای چاودێرییەكی ورد، تۆمەتبارێكیان بە ناوی (د.ا.ع) بە تۆمەتی ئەنجامدانی دزییەكان دەستگیركرد.
هەروەها پۆلیسی ئاماژهی بهوهشداوه كه تۆمەتباری نابراو پێشینەی تاوانی هەیە و پێشتر لەسەر هەمان تاوان سزا درابوو، له لێكۆڵینهوهكانیشدا دانی نا بە تاوانەكەیدا و بە بڕیاری دادوەر و بەپێی ماددە (446/31) لە یاسای سزادان، راگیرا و روبەڕوی یاسا كرایەوە.