ئه‌مریكا و رووسیا رێككه‌وتنی نێوانیان له باره‌ی چه‌كی ئه‌تۆمی بۆ ماوه‌ی 5 ساڵ درێژكرده‌وه
دوای ئه‌وی دوێنێ هه‌ریه‌كه له جۆبایدن سه‌رۆكی ئه‌مریكا و ڤلادیمێر پوتن سه‌رۆكی رووسیا په‌یوه‌ندیه‌كی ته‌له‌فۆنیان ئه‌نجامدا و جگه له پیرۆزبایی سه‌رۆكی رووسیا بۆ جۆبایدن پرسی ئه‌تۆمی و رێككه‌وتنی نێوان ئه‌و دوو وڵاته له‌و بواره‌دا تاوتوێكراو، رووسیاش رایگه‌یاندووه كه رێككه‌وتنی نێوانیان بۆ ماوه‌ی پێنج ساڵ درێژكرده‌وه.
سێرگی ڕیابککوف، جێگری وەزیری دەرەوەی رووسیا به میدیاكانی وڵاته‌كه‌ی راگه‌یاندووه كه، ڕوسیا و ویلایەتە یەکگرتووەکانی ئەمریکا ڕێککەوتوون لەسەر درێژکردنەوەی پەیماننامەی “نیوستارت” بۆ سنوردارکردنی چەکی ئەتۆمی بۆ ماوەی ٥ ساڵ بەگوێرەی مەرجەکانی مۆسکۆ.
هه‌روه‌ها كرملن رایگه‌یاندووه كه لە چەند ڕۆژی داهاتوو هەردوو وڵات دەست بە ڕێوشوێنە یاساییەکانی جێبەجێکردنی ئەو پەیماننامە نێودەوڵەتییە دەکەن، کە سنورێک دادەنێت بۆ موشەکە ئەتۆمییەکانی نێوان هەردوو وڵات، و رێككه‌وتنه‌كه درێژكراوه‌ی ئەو پەیماننامەیە کە لە سالی ٢٠١٠دا ئیمزایان کردووە و لە مانگی شوباتی داهاتوودا کۆتایی دێت.
بەگوێرەی پەیماننامەی نیوستارت ژمارەی کلاوە ئەتۆمییەکان کە ڕێگە دەدات هەردوو زلهیزە ئەتۆمییەکەی جیهان هەیانبێت بە ١٥٥٠ کڵاوەی ئەتۆمی دیاریکراوە.
