پارتی كرێكاران و ڕەنجدەران: لەگەڵ بەغدا و وڵاتانی دراوسێ سەبارەت بە سەربەخۆیی گفتوگۆ دەكەین
![](https://xwakurk.com/wp-content/uploads/2017/02/sdfrtgyui.jpg)
خواكوڕك
لە ئێستادا حكومەتی هەرێمی كوردستان هەولەكانی چڕكردۆتەوە بۆ قسەكردن لەسەر پرسی سەربەخۆی كوردستان كە لە رابردوودا هەنگاوی گەورەی بۆ هاویشتووە, سكرتێری حزبێكی كوردستانیش رایدەگەیەنیت كە:” لەگەڵ بەغدا و وڵاتانی دراوسێ سەبارەت بە سەربەخۆیی گفتوگۆ دەكەین”
(باپیر كامەلا) بە ماڵپەڕی فەرمیی پارتی دیموكراتی كوردستانی گوتووە: ”(سەرۆك بارزانی) و ئێمەش، هەموو لایەكمان لەگەڵ ئەوەداین، كە هەنگاوەكانی سەربەخۆیی، قۆناخەكانی خۆی ببڕێت, وەك قۆناخی گفتوگۆ و گەڕانەوە بۆ ڕای خەڵك. یەكێك لەو قۆناخانە، گفتوگۆكردنمان لەگەڵ بەغدا و وڵاتانی دراوسێیە، تا ئەو مەترسییەی لە بوونی كیانی سەربەخۆی كوردستان هەیانە، بڕەوێتەوە.”
سكرتێری پارتی كرێكاران و ڕەنجدەرانی كوردستان دەڵێ، دەبێ هەنگاوەكانی سەربەخۆیی فراوانتر بكرێن و لەگەڵ بەغدا و وڵاتانی دراوسێش گفتوگۆ بكرێت، تا ئەو مەترسییەی لە بوونی كیانی سەربەخۆی كوردستان هەیانە، بڕەوێتەوە.
كامەلا گوتیشی: ”لایەنەكان لە ئاستی ڕاگەیاندن و كۆبوونەوەی حزبیدا باسیان لەم پرسە كردووە و كەس دژی سەربەخۆیی نییە، بۆیە دەبێ هەنگاوەكانی سەربەخۆیی بەرینتر و خێراتر بكەین.”