كێن ئەوانەی مالكی دەیانكوژێت و بۆ دەیان كوژێت
خواكوڕك
كێن ئەوانەی مالكی دەیانكوژێت و بۆ دەیان كوژێت؟ ناونیشانی بابەتێكە كە لە رۆژنامەی ئۆرشەلیم پۆست بڵاو كراوەتەوەو باس لە كردەوە مەزهەب گەراییەكانی مالكی دەكات لە پێناو لەناوبردنی سوننەكان و درێژكردنەوەی هیلالی شیعی و بۆ هەمان ئامانجیش تا ئێستا لستێكی ( 600)كەسی لەبەردەست دایە كە بەبریاری ئەو كوژراون.
رۆژنامەی ئۆرشەلیم بۆست دەڵیت:” سەرۆك وەزیرانی پێشووی عیراق نوری ئەلمالكی بەرزترین ئاستی حوكمی مەزهەبی لە عیراق دروستكرد و سەلماندی بۆ جیهان كە شیعەو سوننەو كورد ناتوانن پێكەوە بژین، و سەلماندی كە لە حوكمڕانی عێراقدا تەنیا ناوەكان دەگۆڕدرێن نەك مێنتاڵێتی، لەماوەی ساڵانی (2006-2014) مالكی هەمان ڕیگای ڕژێمی پیشوی عێراقی بەكارهێناوە بۆ زیادكردن و مانەوەی دەسەڵاتی، ئەو عێراق بە ولاتێك دەبینیت كە فەڕزە تۆڵەی ئازاردانی شیعەكان لە ژیردەستی سەددام حسێندا ، لە سوننەكان بكاتەوە.
راپۆرتەكە ئاماژە بەوەش دەكات كە شەڕی مەزهەبی شیعەو سوننە شتێكی تازە نییە لە عێراق و وە بە عێراقی ئێستا‌وە نەبەستراوەتەوە بەڵكو لەسەردەمی كوشتنی حسین ەوە 1400 ساڵ پێش ئێستە دەگەڕێتەوە، تۆڵەی ئەوەش لەو كاتەوە كۆمەڵگەی ئیسلامی دابەشكردووە بەلام لەئێستادا هەرچەندە مالكی لەساڵی 2014 وە دەسەلاتی بە جێهێشتووە، بەلام بە گەورەترین پشگیری ئێرانەوە، دەیەوێت جارێكی تر تۆڵە بكاتەوەو خەڵك بچەوسێنیتەوە، مالكی بە وەبیرهێنانەوەی كوشتنی عەلی و حسین هانی شیعەكان دەدات تۆڵە بكەنەوە و لە خۆپێشانەدانەكانی ئەم خۆپێشاندانی ئەم مانگه ی شیعەكان لە بەغداد ، بە ئاشكرا داوای تۆڵەیان دەكردوو تەنانەت چەندین سوننەشیان كوشت.
مالكی لە ئێستادا نوێنەرایەتی ئەجێندای ئێران دەكات لە عێراق، لە رابردوودا كاتێك سەرۆك وەزیران بوو نەیتوانێ ئەو ئامانجەی بپێكی، چونكە سوننەكان دژی وەستانەوە و سیاسەتی ئەویان قبوڵ نەبوو بۆیە ناوچەی سوننەكانی تەسلیمی داعش كرد بۆ ئەوەی بیانووی لەناوبردنی كورد و سوننەی دەسی كەوێت و بیكاتە زەوی سوتاو، چەندین سەربازی عێراقیش دانیان بەوەدانا كە پێیان وتراوە هیچ بەرگرییەك لە موسڵ و روومادی نەكەن كاتیك داعش پەلاماریدا.
هەركەسێكیش ڕێگری لەو ئەجێندایەی مالكی كردووە لەناوبراوەو كوژراوە، هەوڵماندا بۆ دروستكردنی لیستێك بۆ كۆكردنەوەی ناوی هەموو ئەوانەی لەلایەن گروپە چەكدارەكانی مالكییەوە كوژراون، لستەكەش تائێستا بۆتە ( 600) ناو و كە كەسانی ئەكادیمی ، فرۆكەوان ، سەرباز، كیماگەر، فیزیاگەر، سەرۆك هۆز لە خۆدەگرێت لە چەندین پارێزگای جیاوازی عێراق وەك (بەسرە، نەجەف، زیقار، میسان،بەغدا و ئەنبار و چەندینی تر)”.
راپۆرتەكە باس لە هەوڵەكانی مالكیش دەكات بۆ دروستكردنی هاوپەیمانیەتییەكی بەهێز لە پێناوی خزمەتكردنی هەمان ئەجێنداو دەڵێت : مالكی هەوڵیدا هاوكاری و پشتیوانی لە لایەنی جیاواز وەربگرێت وەك بزوتنەوەی گۆڕان و یەكیەتی نیشتمانی كوردستان وە حزبەكانی تری پرۆ-ئێران.
تەنانەت پشگیری زۆری لە مەرجەعی شیعە لە ئێران و نوێنەری خامەنەی لە نەجەف وەرگرت، مالكی هاوكاری زیاتری لە مەرجەعی شیعە لە عێراق وەرگرت بەتایبەت لە دامەزراندنی حەشدی شەعبی و هێزەكانی تری سەربە ئێران كە زیاتر ئێستا حەشدی شەعبی وەك سوپای پاسداران دەردەكەون ئەوان لە ڕادەبەدەر لە لایەن ئێرانەوە پشگیری دارای دەكرێن و هەر بۆیە ئێستا سوننه حەشدی سەعبی بە مەترسی بۆ سەرخۆیان دەبینن و بەتایبەتیش كە ئەو هێزە پلانیان جێبەجێكردنی ئەجێندای ئێرانە كە بریتییە لەناوبردنی سوننەكان و درێژكردنەوی ئەجێندای شیعەیە له ئێران و سوریا”.
