نەبوونی پارە تەنیا لە بانکەکانی سلێمانی بۆتە دیاردە
![](https://xwakurk.com/wp-content/uploads/2022/02/qalb-1-32.jpg)
ئەندامێکی لیژنەی دارایی پەرلەمانی کوردستان لە لێدوانیكدا بۆ ڕاگەیاندنەکان ئاشکرای دەکات کێشەی نەبوونی پارەی کاش تەنیا لە بانکەکانی سنووری سلێمانی بۆتە دیاردە ئەی بۆ لە بانکەکانی هەولێر و دهۆک پارە هەیە .
لەمبارەیەوە ئەمڕۆ دوووشەممە عومەر گوڵپی، ئەندامی لیژنەی دارایی پەرلەمانی کوردستان لە لیدوانێکدا بۆ ڕاگەیاندنەکان گوتی : ، “کێشەی نەبوونی پارە لە بانکەکاندا تەنیا لە سنووری سلێمانی هەیە؛ راستە بەگشتی سستی لە دابەشکردنی مووچە هەیە، بەڵام نەبوونی پارە لە بانکەکانی هەولێر و دهۆک نییە و کاتێک حکومەتی هەرێمی کوردستان گوتی مووچە دابەش دەکرێت، لە بانکەکانی هەولێر و دهۆک بێ گرفت دابەشدەکرێت
هاوکات گوڵپی ئاماژەی بەوە کرد ، وەزارەتی دارایی لیژنەیەکی بۆ هۆکاری نەمانی پارە لە بانکەکانی سلێمانی پێکهێناوە، بەڵام هیچ زانیارییەکی بە پەرلەمانتاران و هاونیشتمانیان نەداوە.
لە بەشێکی دیکەی قسەکانیدا ئەو ئەندامەی لیژنەی دارایی پەرلەمان دەڵێت : “زۆرجار دەگوترێت سیولە نەماوە لە بانکەکاندا، ئەوە هیچ راست نییە، چونکە بانکەکانی هەرێمی کوردستان تەنیا کاریان وەکو قاسەیەک وایە. ئەی ئەو داهات و پارەیە چی لێدێت کە هەیە؟”
لە کۆتایشدا ئاشکرای دەکات هە بۆ مەبەستی تاوتوێی ئەو دیاردەیە ئەمڕۆ دووشەممە لیژنەکەیان کۆدەبێتەوە.