پەیامی سەرۆک بارزانی بۆ كۆچی دوایی حەمە سەعید خەفاف
سەرۆک بارزانی بۆ كۆچی دوایی حەمە سەعید خەفاف پەیامێکی سەرەخۆشی راگەیاند کە لە بەشێکی پەیامەکە هاتووە:” خوالێخۆشبوو حەمە سەعید خەفاف دۆستی جەنابی بارزانیی نەمر و هاوكارێكی گەورەی پارتی و شۆڕشی ئەیلوول بوو و لەو ڕێگەیەدا تووشی زەحمەتی و ئاوارەیی و دوورەوڵاتی بووە.
لە پەیامەکەی سەرۆک بارزانی هەروەها هاتووە:” حەمە سەعید خەفاف كەسایەتییەكی دڵسۆز و خاوەن هەڵوێست و، هەمیشە خزمەتگوزاری دۆزی گەلەكەی بوو.
دەقی پەیامی سەرۆک بارزانی بۆ كۆچی دوایی حەمە سەعید خەفاف
بەناوی خودای مەزن و دلۆڤان
بەداخێكی زۆرەوە هەواڵی كۆچی دوایی كەسایەتیی نیشتیمانی و كوردپەروەر كاك (حەمە سەعید خەفاف)ـم بیست. خوالێخۆشبوو حەمە سەعید خەفاف دۆستی جەنابی بارزانیی نەمر و هاوكارێكی گەورەی پارتی و شۆڕشی ئەیلوول بوو و لەو ڕێگەیەدا تووشی زەحمەتی و ئاوارەیی و دوورەوڵاتی بووە.
حەمە سەعید خەفاف كەسایەتییەكی دڵسۆز و خاوەن هەڵوێست و، هەمیشە خزمەتگوزاری دۆزی گەلەكەی بوو.
پرسە و سەرەخۆشیی خۆم ئاراستەی بنەماڵەی بەڕێز و كەسوكار و دۆست و هاوڕێیانی دەكەم و خۆم بە هاوبەشی خەمیان دەزانم.
لە خودای گەورە داواكارم ڕۆحی خوالێخۆشبوو حەمە سەعید خەفاف بە بەهەشتی بەرین شاد بكات و سەبر و ئارامی بە هەموو لایەك ببەخشێت.
انا للە و انا الیه راجعون
مسعود بارزانی
12ی ئابی 2022
