بزانە وەزیری دەرەوەی ئەمریكا چی بەنوێنەری بارزانی دەلێت
خواكوڕك
رێكس تیلەرسن، وەزیری دەرەوەی ئەمریكا، گوتاری دەسپێكی كۆنفراسی هاوپەیمانی نێودەوڵەتی دژ بەداعشی لە ئەمریكا پێشكەش كرد لەگوتارەكەی دا خۆشحاڵی خۆی بە ئامادە بوونی فواد حوسێن سەرۆكی دیوانی سەرۆكایەتی هەرێمی كوردستان، نوێنەری بارزانی لەو كۆنفراسە و بەشدار لە وەڤدی عێراقی بۆ ئەمریكا دەربری و گوتی”خۆشحاڵین نوێنەری بارزانی لە کۆنفرانسەکە بەشدارە”
رێكس تیلەرسن وەزیری دەرەوەی ئەمریكا لەگوتارەكەی دا ئاماژە بە شەری داعش دا لە عێراق و سوریا و گوتی لەناو بردنی تیرۆرستانی داعش و تیرۆر ئەركی هەمووانە هاوپەیمانان لەدژی داعش سەركەوتنی گەورەیان بەدەست هێناوە، هەروەها گوتی ئەمریكا بەردەوام دەبێت لەپشگیری كردنی هێزەكانی عێراق و سوریا دژ بە داعش، و دەبێت هەموومان بەیكەوە دژی داعش هاوكاری هێزەكانی دژ بەداعش لەو دوو وڵاتەدا بكەین”.
هەر لەبارەی هەماهەنگی نێوان هێزی پێشمەرگە و سوپای عێراقی وەزیری دەرەوە بێ ناو هێنانی حشدی شەعبی گوتی، هەماهەنگی نێوان هێزی پێشمەرگە و سوپای عێراقی سەركەوتنێكی گەورە بوو، بۆ رووبەرو بوونەوەی داعش لە عێراق و دەلێت ئەو هەماهەنگیە سەركەوتنی گەروەی بەدوای خۆی داهێناو دەلێت هێزەكانی عێراق بەتایبەت هێزی پێشمەرگە و سوپای عێراق بەهەماهەنگی سەركەوتن”.
لەبارەی رۆڵی توركیا لە شەڕی داعشدا رێكس تیلەرسن، گوتی توركیا رۆڵی گرینگی لە رووبەرو بوونەوەی داعش گێراوە لە تووند كردنی سنورەكانی لەگەڵ سوریا، ئەمەش هاوكاریەكی گەورە بوو، بۆ رووبەرو بوونەوەی داعش لەسوریا”.
