زیاتر لە دوو هەزار کەس لە ئیدارەی راپەڕین رەزامەندی وەرگرتنی زەوییان بۆ دەرچوو
پڕۆسەی دابەشکردنی زەوی بەسەر فەرمانبەر و کارمەندی هێزە ئەمنییەکانی کوردستان بەردەوامە، ناوی زیاتر لە دوو هەزار کەسی سنووری ئیدارەی راپەڕین گەڕایەوە وەزارەتی شارەوانی.
سەربەست مەولوود، سەرپەرشتیاری تیمی وردبینی پڕۆسەی دابەشکردنی زەوی له وهزارهتی شارهوانی رایگەیاند: ناوی زیاتر لە دوو هەزار پێشمەرگەی لیواکان و خانەنشینانی یەکەی هەشتا لە سنووری ئیدارەی راپەڕین، رەزامەندی ئەنجومەنی وەزیرانی وەرگرت و گەڕایەوە وەزارەتی شارەوانی.
بە گوتەی سەربەست مەولوود، ئێستا ناوی زیاتر لە شەش هەزار کەسی دیکە لە وەزارەتی شارەوانییە و وردبینیان بۆ دەکرێت، لە داهاتوودا ناوەکانیان ڕەوانەی ئەنجومەنی وەزیران دەکرێت.
شیاوی باسە، هەفتەی رابردوو ناوی زیاتر لە 12 هەزار فەرمانبەر و خانەنشینی مەدەنی و فەرمانبەرانی وەزارەتی ناوخۆ، رەزامەندی ئەنجومەنی وەزیرانیان وەرگرت و گەڕانەوە وەزارەتی شارەوانی.