سەرۆك بارزانی پێشوازی لە باڵیۆزی ئیتالیا لە عێراق دەكات
رۆژی چوارشەممە 8ی تشرینی یەكەمی 2025 لە پیرمام سەرۆك مەسعود بارزانی پێشوازی لە بەڕێز نیکۆلۆ فۆنتانا باڵیۆزی ئیتالیا لە عێراق و شاندێكی یاوەری كرد.
لەو دیدارەدا بیروڕا لەبارەی پڕۆسەی ئاشتی لە توركیا و بارودۆخ و دواپێشهاتەكانی سووریا ئاڵوگۆڕ كرا و هەروەها رۆشنایی خرایە سەر هەڵبژاردنەكانی ئەنجومەنی نوێنەرانی عێراق و هەردوولا هیوایان خواست ئەو هەڵبژاردنە و دەرئەنجامەكانی، گۆڕانكاری ئەرێنی لێ بكەوێتەوە و خزمەتی بنەماكانی دیموكراسی و نوێنەرایەتی گەل بكات.
پڕۆسەی سیاسی هەرێم و پێكهێنانی حكومەتی تازەی هەرێمی كوردستان تەوەری تری ئەو دیدارە بوون.