تیمێكی پسپۆڕی نێودهوڵهتی بزانە بەتەمانە چی بۆ كوردستان بكەن
![](https://xwakurk.com/wp-content/uploads/2017/05/34523465547657.jpg)
خواكوڕك
بەپێی راگەیاندراوێك كە مالپەری سەرۆكایەتی حكومەتی كوردستان بڵاوی كردۆتەوە، ئەمرۆ یەكشەممە، 7ی 5ی 2017 تێمێكی پسپۆڕ له ههریهك له وهزارهتهكانی بهرگریی وڵاتانی ئهمهریكا، بهریتانیا و ئهڵمانیا، لەگەڵ سەرۆكایەتی حكومەتی هەرێمی كوردستان كۆبونەوە، لەبارەی چاكشازی و رێكخستنەوەی وەزارەتی پێشمەرگە، كە بەهەنگاوێكی گرینگ و ستانداردی سەربازی نێودەوڵەتی لەقەڵم دەدات”.
وەك لە هەواڵەكەی ماڵپەری سەرۆكایەتی ئەنجوومەنی وەزیران دا بڵاو كراوەتەوە، له كۆبوونهوهیهكدا به ئامادهبوونی نێچیرڤان بارزانی سهرۆك وهزیرانی ههرێمی كوردستان و قوباد تاڵهبانی جێگری سهرۆك وهزیران و وهزیری پێشمهرگه و بهرپرسانی سهربازییی وهزارهتی پێشمهرگه، ئهو تیمه ڕاوێژكارییه نێودهوڵهتییه كاری هاوبهشی خۆیان سهبارهت به وهزارهتی پێشمهرگه خسته ڕوو كه خۆی له سی و پێنج خاڵ دهبینێتهوه و ئامانج لێیان دروستكردنی هێزێكی سهربازیی تۆكمهی پیشهیییه بۆ پێشمهرگه له ئایندهدا.
لای خۆیهوه بهڕێز سهرۆك وهزیرانی ههرێمی كوردستان سوپاس و پێزانینی خۆی پێشكهش به وڵاتانی هاوپهیمان كرد بۆ هاوكارییه بهردهوامهكانیان له ڕابردوو و ئێستادا. ئاماژهی بهوهش دا كه له دوای ساڵی 2003وه ههرێمی كوردستان زیاتر پێداگری لهسهر ئاوهدانكردنهوه دهكردهوه، نهك دروستكردنی هێزێكی سهربازی و چاوهڕوان دهكرا گهر ههر ههڕهشهیهك لهسهر عیراق ههبێت، حكوومهتی فیدرال بهرپرسه بۆ پاراستنی وڵات بهگشتی، بهڵام لهگهڵ هێرش و ههڕهشهكانی تیرۆرستانی داعش، بهداخهوه ههموو بارودۆخهكه و هاوسهنگییهكان گۆڕان، بۆیه دهبێت ئێمه بیر لهوه بكهینهوه هێزێكی تۆكمه و پرۆفیشناڵی سهربازی بۆ پێشمهرگه دابمهزرێنین.
دووپاتیشی كردهوه كه حكوومهتی ههرێمی كوردستان پێشوازی لهم پڕۆژهیه دهكات و له كۆبوونهوهیهكی ئهنجومهنی وهزیراندا پڕۆژهكه دهخرێته بهر باس و گفتوگۆ، تا دواتر پهسهند بكرێت. دواتریش پڕۆژهكه بۆ بهڕێز سهرۆكی ههرێمی كوردستان به مهبهستی دهركردنی فهرمانی پێویست، ڕهوانه دهكرێت.