عه‌ممار حه‌كیم بۆ دژایه‌تی مافی گه‌لی كوردستان ئاماده‌یه بە غازی خەردەل بمانخنكێنێت
خواكوڕك
پاش ئه‌وه‌ی سه‌ركردایه‌تی سیاسی كورد بڕیاری دا 25ی 9ی 2017 ریفراندۆم به‌رێوه بچێت، ته‌واو هێزه‌كانی شیعه‌ی عێراق، كه خۆیان به دۆستی دێرنی كورد داده‌نا، رووی راستی خۆیان ئاشكرا كردوو، دژی مافی گه‌لی كوردستان وه‌ستانه‌وه، له‌ئێستاشدا كه‌وتوونه‌ته، دژایه‌تی فره‌وانی ریفراندۆم له كوردستاندا”.
شاندی كوردستان به‌سه‌رۆكایه‌تی مه‌سعود بارزانی سه‌ردانی یه‌كێتی ئه‌وروپایان كرد، له یه‌كێتی ئه‌وروپادا بارزانی رایگه‌یاند، هه‌رگیز پاشه‌كشه له ئه‌نجامدانی ریفراندۆم و رۆژی ریفراندۆم ناكه‌ین، گوتی ئه‌وانه‌ی ده‌لێن كاتی نیه، با له‌سه‌د ساڵی رابردوو وه‌ڵامێكمان بده‌نه‌وه، كه‌ی كاتی سه‌ربه‌خۆی كوردستان؟ ده‌شلێـ” ئێمه پێمان وایه ئه‌وكاته كاتێكی گونجاوه و پاشه‌كشه ناكه‌ین”.
له‌به‌رامبه‌ردا عەممار حەکیم، سەرۆکی هاوپەیمانیی نیشتیمانی لە رۆژانی رابردوودا بەپێچەوانەی راگەیەندراوی فەرمی چەند ساڵەی شیعە، هانای بۆ ئەمریکا برد و گوتی “پێویستە واشنتن نەک تەنها بە قسە، بەڵکو بە کردەوە هەڵوێستی خۆی سەبارەت بە یەکپارچەیی خاکی عێراق بخاتەڕوو، حەکیم راشی گه‌یاند”سووربوونی کورد لەسەر ئەنجامدانی ریفراندۆم، ناوچەکە رووبەڕووی تسۆنامی دابەشبوون دەکاتەوە، جیابوونەوەی کورد بنەمای دەستووری نییە، لە پەرلەمانی عێراقدا یاسای ریفراندۆم نییە، رووبەری هەرێمی کوردستان پێش 2003 جیاوازە لە رووبەری ئێستا کە بەڕێژەی 100% هەڵکشاوە”.
هه‌ر له‌و باره‌یه‌وه ئاری مامشەیی نووسه‌ر و چاودێری سیاسی له‌و باره‌یه‌وه له هه‌ژماری تایبه‌تی خۆی له‌ژێر ناونیشانی(جوان تێیان بگەن) ده‌نووسێـ”حەکیم و عەبادی و مالیکی و ئەوانی تر، دەموچاویان جیاوازە بەڵام عەقڵیەتیان یەکە. ئەوان پێمان ئەڵێن هێشتا ئێمە بڕیار لە قەدەر و چارەنووسی و ژیانی ئێوە ئەدەین، لەوەتای ئێوە هەن هیچ نەبوون و ئێستایش بە هیچتان نازانین. پێیان بکرێت، هەروەکو ٨٠٠ ساڵ کردیان، ماڵ و دێ و نیشتیمانمان تەخت ئەکەنەوە و بە غازی خەردەل ئەمان خنکێنن. ئەوان ئێمەیان پێ کەمە، پێیان ئاساییە ٢٢ دەوڵەت و دەوڵەتچکۆی ٣٠٠٠ هەزار کەسییان هەبێت، بەڵام تەنها یەک دەوڵەت بۆ کورد و بۆ ئەم گەلە ٤٥ ملیۆنییە بە رەوا نابینن. ئێمە و ئەوان هەرگیز نابین بە یەک.
هه‌روه‌ها مامشەیی ده‌شنووسێـ” دەسەڵاتدارانی سربیا لە کۆتایی هەشتاکان بەرە بەرە ئەو دەسەڵاتە یاساییانەی کاتی خۆی بە پارێزگای کۆسۆڤۆی ئۆتۆنۆمی درابوون سەندەوە، هەتا کار گەیشتە هێڕشی زەمینی و کۆمەڵکوژی کۆتایی نەوەدەکان.
بوونی هەرێم و مافی یاسایی و دەستووریی زەمان نییە، حوبری سەر وەرەقەن. تەنها گەرەنتی ئەوەیە خۆت بڕیار لە خۆت بدەیت.
