عه‌لى عه‌ونى : مه‌سعود بارزانى به‌خێرى خۆى عه‌لى باپیرى ئازاد نه‌كردایه ئیستا له زیندانى گوانتانامۆ بوو
خواكوڕك
“عه‌لى عه‌ونى “ئه‌ندامى سه‌ركردایه‌تى پارتى دیموكراتى كوردستان سه‌باره‌ت به پرسى ڕیفراندۆم و هه‌ڵویستى بزوتنه‌وه‌ى گۆڕان و كۆمه‌ڵى ئیسلامى ڕایگه‌یاند ” له پێناو به‌رژه‌وه‌ندى خه‌لكى كوردستان و بارودۆخى هه‌رێم و پرسى ریفراندۆم پارتى مه‌رجى له‌سه‌ر كاراكردنه‌وه‌ى په‌رله‌مان و یوسف محه‌مه‌د هه‌ڵگرتووه، به‌ڵام ئه‌وان مه‌رجیان داناوه كه ڕیفراندۆم دوابخرێت ، ئه‌وه‌ى گۆران داواى ده‌كات ، هه‌مان سیناریۆیه كاتێك ڕازى نه‌بوون ره‌شنووسى ده‌ستوورى هه‌رێم بخرێته ڕیفراندۆمه‌وه ، له‌كاتێكدا (92) ئه‌ندامى په‌رله‌مان ده‌نگیان پێدابوو “.
له‌به‌شێكى ترى قسه‌كانیدا “عه‌لى عه‌ونى ” ئه‌ندامى سه‌ركردایه‌تى پارتى سه‌باره‌ت به هه‌ڵوێستى كۆمه‌ڵى ئیسلامى گووتى ” من سه‌رم سوڕماوه كه كۆمه‌ڵى ئیسلامى كێشه‌ى چییه ؟ خۆئه‌گه‌ر ئێمه نه‌بوینایه و مه‌سعود بارزانى نه‌چوایه و به خێرى خۆى عه‌لى باپیرى ئازاد نه‌كردایه ، ئێستا ده‌بوو له زیندانى گوانتانامۆ بوایه ، كاتێك له‌لایه‌ن ئه‌مریكیه‌كانه‌وه ده‌ستگیر كرابوو بۆیه ئه‌وه (بێ نمه‌كى ) زۆر خراپه ،ئێمه كێشه‌مان له‌گه‌ڵ عه‌لى باپیرو كۆمه‌ڵى ئیسلامى نه‌بووه ، له‌كاتێكدا ئێستاش وه‌زیره‌كانیان به‌رده‌وامن له حكومه‌ت و به ناهه‌قیش سكرتێرى په‌رله‌مانى كوردستانیان پێ درا كه مافى ئه‌وان نه‌بوو “.
