بارزانی سه‌ره‌خۆشی له بنه‌ماڵه‌یه‌كی ناوداری سلێمانی ده‌كات
خواكوڕك
سه‌رۆكی هه‌رێمی كوردستان مه‌سعود بارزانی به بۆنه‌ی كۆچی دوایی (مه‌حمود گه‌وره‌دێی) كه‌سایه‌تی دیاری سلێمانی، په‌یامی سه‌ره‌خۆشی بۆ بنه‌ماڵه‌كه‌یان ده‌نێرێت.
له یه‌یامه‌كه‌دا كه ئه‌مرۆ 22ی ئابی 2016 بڵاوكراوه‌ته‌وه، هاتووه: “خواڵێخۆشبوو كەسایەتی دیار و نیشتیمانپەروەری دەڤەری سلێمانی و پێشمەرگە و خەباتگێڕی گەلەكەمان بوو”.
ده‌قی په‌یامه‌كه
بەناوی خودای مەزن و دلۆڤان
بۆ بنەماڵەی خواڵێخۆشبوو مەحموود گەورەدێی
بەداخێكی زۆرەوە هەواڵی كۆچی دوایی كاك (مەحموود گەورەدێی)ـم بیست. خواڵێخۆشبوو كەسایەتیی دیار و نیشتیمانپەروەری دەڤەری سلێمانی و پێشمەرگە و خەباتگێڕی گەلەكەمان بوو. بەم بۆنە خەمناكەوە سەرەخۆشی لە ئێوەی بەڕێز و خزم و كەسوكار و ئاشنایانی خوالێخۆشبوو دەكەم و هاوبەشی خەمتانم. لە خودای مەزن داواكارم خواڵێخۆشبوو بە بەهەشتی بەرین شاد بكات و سەبر و ئارامی بە هەموو لایەك ببەخشێت.
انا لله و انا الیه راجعون
مسعود بارزانی
22ـی 8ـی 2016
