پله‌ی گه‌رما داده‌به‌زێت و كه‌شناسی پێشبینیه‌كانی كه‌ش و هه‌وای بڵاوكرده‌وه
بەڕێوەبەرایەتیی گشتیی کەشناسی و بوومەلەرزەزانیی ھەرێمی کوردستان، پێشبینییەکانی کەشوھەوای بۆ ئه‌مڕۆ و سبه‌ینێی له شاره‌كانی هه‌رێمی كوردستان بڵاو کردەوە.
بەڕێوەبەرایەتیی گشتیی کەشناسی و بوومەلەرزەزانیی ھەرێمی کوردستان پێشبینییەکانی کەشوھەوای 48 کاتژمێری داھاتووی بڵاو کردەوە و تێیدا ئاماژە بەوە کراوە، ئەمڕۆ سی شه‌ممه 22/8/2017 لە سەرجەم پارێزگاکانی ھەرێمی کوردستان، ئاسمان ساماڵ دەبێت و كه‌مێك پله‌ی گه‌رما نزم ده‌بێته‌وه.
هاوكات هه‌ر له راگه‌یاندراوی بەڕێوەبەرایەتیی گشتیی کەشناسی و بوومەلەرزەزانیی ھەرێمی کوردستان ئاماژه بۆ ئه‌وه‌ش كراوه” کە سبەی چوارشەممە 23/8/2017، لە سەرجەم پارێزگاکانی ھەرێمی کوردستان، ئاسمان ساماڵ دەبێت، پلەی گەرماش 2 تا 4 پلە نزم دەبێتەوە.
