دهۆكیه‌كان بۆ خه‌ڵكی سلێمانی سوپاس بۆ سه‌ربه‌رزیتان
له‌ناو ئاپۆرای جه‌ماوه‌ری دا خه‌ڵكی دهۆك سوپاسی هه‌ڵوێستی به‌رز و هه‌ڵمه‌ت و قوربانی خه‌ڵكی شاری سلێمانی ده‌كه‌ن، به‌و هه‌ڵوێسته‌ی شاری سلێمانی له‌دژی نه‌خێره‌كان، ده‌لێن به‌یه‌كه‌وه له‌ناو كوردستاندا جوانین”.
پاش ئه‌وه‌ی به‌ره‌ی نه‌خێر شكه‌ستی هێنا، له راكێشانی خه‌ڵكی سلێمانی بۆ‌دژی ریفراندۆم، مه‌سعود بارزانی سه‌رۆكی هه‌رێمی كوردستان په‌یامێكی بۆ خەڵکی شاری سلێمانیی خۆشەویست ناردوو له په‌یامه‌كه‌دا رایگه‌یاند”دوێنێ حەقیقەتی هەڵوێستی خەڵکی بە شەرەفی سلێمانی دیار بوو. جارێکیتر سەلماندتان سلێمانی شاری هەڵمەت و قوربانییە. پڕ بە دڵ بەناوی خۆم و گەلی کوردستانەوە سوپاستان دەکەم.
له‌و باره‌یه‌وه گه‌نجانی شاری دهۆك له‌باره‌ی ئه‌و هه‌ڵوێسته‌ی به‌رزه‌ی شاری سلێمانی به‌شێوه‌ی جیاواز په‌یامێكیان بۆ خه‌ڵكی شاری سلێمانی ناردوو له په‌یامه‌كه‌دا خه‌ڵكی دهۆك ده‌لێن” مامۆستایی كوردایه‌تی و پێشه‌نگی خه‌باتی كورد بووه له‌دژی سته‌می داگیركه‌رانی كوردستانن، بۆیه جارێكی تر هه‌ڵوێستی مه‌ردانه و سه‌ربه‌رزانه‌ی خه‌ڵكی شاری خۆشه‌ویستی سلێمانی ده‌ركه‌وت، كه ده‌ستبه‌رداری مافی ده‌وڵه‌ت بوون و سه‌ربه‌خۆی نابن، بۆیه هه‌موومان له‌ناو ناسنامه‌ی كوردستانی بوونه‌وه جوانین، به‌ده‌وڵه‌تی كوردستان خاوه‌ن ناسنامه‌ین”.
له‌و باره‌یه‌وه گه‌نجانی خه‌ڵكی دهۆك له په‌یامه‌كه‌یاندا ده‌لێن به‌یه‌كه‌وه خاوه‌ن ناسنامه و ده‌وڵه‌تی كوردستانین و به‌یه‌كه‌وه جوانین”.
