به‌ره‌ی توركمانی پارێزگاری كه‌ركوكی ده‌وێت و یه‌كێتیش به ده‌ستی به‌تاڵ ده‌رده‌چێ له شاره‌كه
په‌رله‌مانتارێكی به‌ره‌یی توركمانی باس له وه‌رگرتنی پۆستی پارێزگاری كه‌ركوك ده‌كات له لایه‌ن توركمانه‌كان و ده‌ڵێت” بۆ ئه‌و مه‌به‌سته پڕۆژه‌مان هه‌یه و ئه‌نقه‌ره و به‌غدا پێی رازین.
له‌و باره‌وه، (جاسم محەمەد جەعفەر) پەرلەمانتاری به‌ره‌ی تورکمانی، وردەکاریی پرۆژەیەکی بەرەی تورکمانی کە ئەو بە “پرۆژەی تورکمانی” ناویبردووە، بۆ چۆنییەتی ئیدارەدانی پارێزگای کەرکووک ئاشکرا دەکات و رایده‌گه‌ێنێت” كه پرۆژەکە چانسی ئەوەی ھەیە لەلایەن بەغدا و ئەنقەرەوە پەسەند بکرێت و لە چەند رۆژی داھاتووشدا دەخرێتە بەردەستی ئێران و ئەمریکا و بریتانیا، بۆ ئه‌وه‌ی وانیش قسه‌ی خۆیانی له باره‌وه بكه‌ن و په‌سه‌ندی بكه‌ن.
په‌رله‌مانتاره‌كه‌ی به‌ره‌ی توركمانی باس له‌وه ده‌كات” كه ئه‌و پرۆژه‌یه له كاتی چوونی شاندی تورکمانەکان بۆ تورکیا و كۆبونه‌وه‌یان لەگەڵ (ئەردۆگان) سەرۆککۆماری تورکیا و (بینالی یڵدرم) سەرۆکوەزیرانی تورکیا کۆبوونەتەوە، گفتوگۆیان لەسەر پرۆژەکە کردووە، ئه‌وان به‌و پرۆژه‌یه رازی بوون و ئاماده‌یی پاڵپشتیكردنی بوونه.
هه‌ر به‌پێی پرۆژه‌كه‌ی به‌ره‌ی توركمانی بۆ به‌ده‌ستهێنانیپ ۆستی پارێزگاری كه‌ركوك، له پرۆژه‌كه ئه‌وه هاتووه” كه شاندەکە داوایانکردووە “فەرماندەیەکی سەربازی بۆ کەرکووک دابمەزرێنرێت و لیوا (عەلی فازڵ عمران) بکرێتە فەرمانڕەوای سەربازیی پاریزگاکە، كه ئێستا ئه‌و فەرماندەی ئۆپراسیۆنی كه‌ركوكه، سێ جێگریشی لە عەرەب و کورد و تورکمان بۆ دابنرێت تا ھاوکاری بکەن ئارامی بپارێزێت و ئیدارەی شارەکە بکات”.
ناوبراو باسی زیاتر له ناوه‌ڕۆكی پرۆژه‌كه كرد و ئه‌وه‌شی دووپاتكردۆته‌وه”كه لە پرۆژەکەدا پێشنیازکراوە ئەنجوومەنی پارێزگای کەرکووک ھەڵبوەشینریتەوە بۆ ئەوەی ھیچ کێشەیەک روونەدات تا ئەوکاتەی زەمینەی ھەڵبژاردنێکی نوێ بە سەرپەرشتی نەتەوە یەکگرتووەکان دەڕەخسێنرێت، هه‌روه‌ها تورکمانەکان داوایانکردووە پارێزگاری داھاتووی کەرکووک تورکمان بێت و دەسەڵاتەکان لەسەر بنەمای ٣٢ بۆ عەرەب و ٣٢ بۆ تورکمان و ٣٢ بۆ کورد و ٤% بۆ پێکھاتە مەسحییەکانی پارێزگاکە بێت”.
به‌پێی زانیارییه‌كانیش ،بڕیار وایه ئه‌م پرۆژه‌یه لەلایەن بەغدا و ئەنقەرەوە پیشوازی لێبككرێت و پرۆژەکەش دەخرێتە بەردەستی سەرۆکوەزیرانی عیراق و پاشان دەخرێتە بەردەستی ئێران و ئەمریکا و بریتانیا”.
ئه‌وه‌ی شیاوای باسه” پاش خیانه‌ته‌كه‌ی 16ی ئۆكتۆبه‌ر وا بڕیار بوو، باڵی حیانه‌تكاری یه‌كێتی پاش دوو رۆژ له كه‌وتن و راده‌ستكردنی كه‌ركوك به میلیشیا شیعه‌كانی ئێران و عێراق، (رزگار عه‌لی) ئه‌ندامی مه‌كته‌بی سیاسی یه‌كێتی بكه‌ن به پارێزگاری كه‌ركوك به‌ڵام له ئێستادا یه‌كێتی ده‌ست به‌تاڵ لێی ده‌رچوو هیچ لایه‌نێكیش ئاماده‌نیه رێككه‌وتن له‌گه‌ڵ یه‌كێتی بكات و رۆژانه كورد ته‌عریب ده‌كری و سه‌ر و ماڵیان له خه‌ته‌ردایه.
