رۆژنامەکانی ئیسرائیل نهێنیەک لەبارەی ئێران ئاشکرا دەکەن
![](https://xwakurk.com/wp-content/uploads/2018/04/1-88.jpg)
لە ماوەی ھەفتەی رابردوو بەشێکی زۆری رۆژنامە گۆڤارە گرنگەکانی ئیسرائیل ئاماژە بە ئەگەری ھێرشێکی سەربازی کۆماری ئیسلامی ئیران دەکەن لە سنورەکانی ھەردوو وڵاتانی سوریا و لوبنان دژی پێگەکانی سوپا و دەوڵەتی ئێسرائیل لە باکوری لوبنان و ھەرێمی جۆلان ، ئەمەش دوای ئەوە دێیت کاتێک ئیسرائیل لە ھەفتەی رابردوو چوار پێگەی ئیرانی و سوری ھاوبەش و زۆر گرنگی بومباران کرد و تێکی شکاندن و زەرەری مادی گیانی زۆری لێکەتەوە .
رۆژنامەکانی – یەدیعۆت ئەحرانوت، ھائاریتس، مەعاریف- ئاماژە بە ئامادەکارییەکی بەھێزی ھەواڵگری و سوپا و ھێزی ئاسمانی ئیسرائیل دەکەن لە ئەگەری ھەر ھێرش و ھەوڵدانێک بۆ تۆڵەکردنەوە یان لێدانی بەرژەوەندییەکانی دەوڵەتی ئیسرائیل ئەوا بە دەستێکی پۆڵایین و بە ھێزێکی ئاگرین رووبەروەیان دەبنەوە ، ئەگەر پیویستیش بکات باکوری سوریا و باکوری عیراقیش بە دەر نابێت لەو ئامانجانەی کە ھەوالگری ئیسرائیلی دەست نیشانی کردووە ، بە پێی ئەو زانیاریانەی -جێنراڵ رۆر – لە ھەوالگری سوپای ئیسرائیل ئاماژەی پێکراوە دەوڵەتی ئیسرائیل لە نزیکەوە چاودێری ھەلوێستەکانی وەزارەتی دەرەوە و سوپای پاسداران و چالاکیەکانی جێنراڵ قاسم سولەیمانی دەکات و ئامادەکاری خێرا و چارەسەری گورزی بەپەلەی سەربازی لە بەردەستە لە ئەگەری ھەوڵدان بۆ ئەنجامدانی ھەر و ھێرشێک کە زیان بە خەڵک و دەوڵەتی ئیسرائیل بگەیەنێت .
زانیاریە ھەواڵگرییە دزە پێی کراوەکان ئاماژە دەکات پلانی ھێرشی فڕۆکەی بێ فڕۆکەوان و موشەکی دوور ھاوێژ ئەو دوو میتۆدە سەربازییە ھێرشبەرەیە کە سوپای پاسداران بە ھاوکاری میلیشیا شیعەکان لە سوریا و لوبنان ئامادەکاری ئەنجامدانی بۆ دەکات، دژی سوپا و دەوڵەتی ئیسرائیل ھەر بۆیەش ھەفتەی رابردوو سوپای ئیسرائیل چەند بنکەیەکی ستراتیژی لە سوریا کردە ئامانج کە بە ھاوبەشی بەڕێوە دەبرا لە لایەن ئێران و سوریا و میلیشیا شیعەکان .
سەرچاوە: یەدیعوت ئەحرانۆت