ئه‌مریكا بڕی 25 ملیۆن دۆلار هاوكاری ئێزیدی و مه‌سیحییه‌كانی عێراق ده‌كات
مایك پێنس، جێگری سەرۆکی ئەمەریکا،فشار ده‌كاته سه‌ر حکومەته‌كه‌ی، بۆ ئه‌وه‌ی هاوكاری ماددی ئێزدی و مەسیحییەکان له عێراق بكات و هه‌وڵه‌كانیشی سه‌ركه‌وتوو ده‌بێت.
به پێی زانیارییه‌كانی رۆژنامەی گۆڵف نیوز كه له هه‌واڵێكیدا بڵاویكردووته‌وه‌وده‌ڵێت:”به گوێره‌ی پلانه‌كان مارك گرین، سەرۆکی ئاژانسی ئەمەریکی بۆ گەشەپێدانی نێودەوڵه‌تی له دوای بەخشینی بڕی 10 ملیۆن دۆلار بۆ دوو گرووپی خێرخوازی کە یەکێکیان تایبەتە بە خزمەتکردنی کاسۆلیکەکانی جیهان ، بڕی 25 ملیۆن دۆلاریش وەك یارمەتی دەبەخشێتە ئێزدی و مەسیحییەکانی عێراق.
هاوکارییه‌كانی ئەمەریکا لە کاتێکدایە، ژمارەی مەسیحییەکانی پارێزگای نەینەوا لە ساڵی 2003 بۆ 2018، لە یەک ملیۆن و 500 هەزارەوە بۆ 200 هەزار کەس کەمیکردووە، ئەمەش لە لایەن ئەمەریکا وەك هەڕەشەی لەناوچوونی مەسیحییەکان لە عێراق تەماشا دەکرێت.
هه‌روه‌ها له‌ھێرشی داعش بۆسەر عێراق لە ساڵی 2014، چەكدارانی داعش كوشتار و تاڵانكاریان لە ناوچەكانی ئێزدی و مەسیحییەكان ئەنجامدا، جگە لەوەی ژمارەیەكی زۆریان كوژران، بەشێكی زۆریشیان ئاوارە بوون.
