نێچیرڤان بارزانی: له‌سه‌ر ڕووداوه‌كه‌ی چه‌مچه‌ماڵ هاته ده‌نگ
نێچیرڤان بارزانی، سەرۆك وەزیرانی ھەرێمی کوردستان، لەبارەی ڕووداوی ئاگرکەوتنەوەکەی شەوی ڕابردووی ماڵێکی چەمچەماڵ پەیامێکی بڵاو کردەوە.
نێچیرڤان بارزانی لە پێگەی تایبەتیی خۆی لە تۆڕی کۆمەڵایەتیی (تویتەر)، لە تویتێکدا نووسیویەتی: کارەساتی ئاگرکەوتنەوەی شەوی ڕابردووی ماڵێکی چەمچەماڵ کە تیایدا سێ منداڵ گیانیان لە دەست دا و دایکیان بە سەختی بریندار بوو، لە ناخەوە ھەژاندمی.
ھەر لە پەیامەکەیدا سەرۆك وەزیرانی ھەرێمی کوردستان دەشڵێت: “ھاوبەش و ھاوخەمی خانەوادەیانم، چی پێویست بێت، ھاوکار دەبین، داوای ئاگایی و خۆپاراستنی باشتر لە ھاووڵاتییان دەکەم”.
دوێنێ شه‌و کاتژمێر 8 و 30 خولەك، ئاگرێك لە ماڵێكی گەڕەکی ئاسوودەی شاری چەمچەماڵ کەوتەوە، بەو ھۆیەوە سێ منداڵ کە تەمەنیان لە نێوان یەك ساڵ تا پێنج ساڵە گیانیان لەدەست دا، دایکیشیان بە سەختی بریندارە و بەھۆی ڕێژەی سووتانەکەی ڕەوانەی نەخۆشخانەی فریاکەوتنی سلێمانی کراوە”.
