فوئاد حوسێن واژووی له‌سه‌ر خه‌رجكردنی مووچه‌ی پێشمه‌رگه كرد، كه بڕه‌كه‌ی ٦۸ ملیار دیناره له به‌غداوه ره‌وانه‌ی هه‌رێمی كوردستان ده‌كرێت
ئه‌مڕۆ وه‌زیری دارایی حكومه‌تی عێراق، فوئاد حوسێن واژووی له‌سه‌ر خه‌رجكردنی مووچه‌ی هێزی پێشمه‌رگه‌ی كوردستان كرد و به گوێره‌ی بڕیاره‌كه، مانگانه ٦۸ ملیار دینار بۆ پێشمه‌رگه ره‌وانه‌ی هه‌ولێر ده‌كرێت.
نادر هەرکی ئه‌ندامی لیژنه‌ی ئاسایش و به‌رگری له ئه‌نجوومه‌نی نوێنه‌رانی عێراق بە کوردستان ۲٤ راگه‌یاندووە، له‌مڕۆوه بۆ هه‌ر مانگێك بڕی ٦۸ ملیار دیناری عێراقی ره‌وانه‌ی هه‌رێمی كوردستان ده‌كرێت، وه‌ك مووچه‌ی هێزی پێشمه‌رگه.
گوتیشی: له یاسای بودجه‌ی ئیتیحادیدا ئه‌و بڕه پاره‌یه له بودجه‌ی وه‌زاره‌تی به‌رگری عێراق بۆ مووچه‌ی پێشمه‌رگه ته‌رخانكراوه.
