دۆناڵد ترەمپ ، یەکەم سەرۆکی ئەمریکایە کە پێی نایە ناو خاکی کۆریای باکوور
دۆناڵد ترەمپ ، سەرۆک کۆماری ئەمریکا رۆژی یەکشەم بە ئامادەبوون لە ناوچەیەکی ناسەربازی نێوان دوو وڵاتی کۆریا ، پێی نایە کۆریای باکووری .بەم شێوەش لە مێژوودا دەنووسرێت یەکەم سەرکۆماری ئەمریکا چووە کۆریای باکوور .
سەرکۆماری ئەمریکا لە دووای چاوپێکەوتن لەگەڵ ” کیم جوونگ ئوون ” لە نێوان ناوچەی ناسەربازی ئەو دوو وڵاتە گووتی : ئەمڕۆ ڕۆژێکی مێژووییە بۆ جیهان ، من خۆشحاڵم وەک یەکەم سەرکۆمار پێم ناوەتە خاکی کۆریاوە ، داواش لە ” کیم جوونگ ” دەکەم سەردانی واشنتۆن بکات .
ترەمپ هەروەها گووتی شانازییە بۆ من کە پێم ناوتە ناو خاکی کۆریای باکوورەوە .
ڕێبەری کۆریای باکوور گووتی هەنگاوەکانی ترمپ ، هەنگاوێکی بوێرانە بوون ، هەروەها گووتی ئەم سەردانەی ترمپ دەبێتە هۆی قوڵ بوونەوەی پێوەندییەکانی دوو وڵات ، من بە سەرسووڕمانەوە ئەم داوایەی ترمپم هەڵسەنگاند، کیم لە کۆتاییدا دەڵێت کۆبوونەوەکەمان زۆر سەرکەوتووانە بوو .
