سێیه‌م ده‌وڵه‌مه‌ندی جیهان دەیەوێت گواردیۆلا و مێسی بباتە سێریائەی

لە ئیتاڵیا ماوەیەکە دەنگۆی ئەوە بڵاوبووەتەوە بێرنارد ئارنۆلت گەورە بازرگانی جیهان لە هەوڵی ئەوەدایە یانەی ئەیسی میلانی ئەم وڵاتە بکرێتەوە و خاوەنداریەتی بکات.

ئەمڕۆ رۆژنامەی لاریپابلیکا بڵاویکردووەتەوە گەورە بازرگانە فڕەنسیەکە ماوەیەکە لە هەوڵی ئەوەدایە کە تەواوی پشکی یانەی ئەیسی میلان خاوەنداریەتی بکات و دوای ئەم پرۆژەیەش ئامادەیە پێپ گواریۆلا راهێنەری یانەی مانچێستەر سیتی و لیۆنێل مێسی ئەستێرەی یانەی بارسێلۆنا بگوازێتەوە ئەم یانەیە، هەرچەندە تاوەکو ئێستا بەرپرسانی رۆسێنەری ئامادەنین یانەکەیان بفرۆشن.

ئارنۆلت خاوەنی کۆمپانیای LVMH و سێیەم گەورە دەڵمەندی جیهانە کە داراییەکەی دەگاتە 106,6 ملیارد دۆلاری ئەمریکی.