ئەم كۆلەوارە سیاسیانە بهێنەوە لە بەغدا حەیاتانی برد
دوای شكەستە دووردیارەكەی سەدر لە پێشاندانی كەسێكی كارتۆنی بەناوی عەڵاوی كە لەرووی سیاسیەوە، مرۆڤێكی تەواو مونافق بوو، كۆمەڵێك كۆلەواری سیاسی كە تەنها لە تیخی میدیادا فوتێكراون، هاتوونە هۆكارەكە بەجوان رازاندنەوە و بەجوان پێناسەكردنی عەلڵاوی دەكەن بێ ئەوەی لەوەدا حاڵی بن لەبنەرەتدا كێشەی كورد لەگەڵ بەغدا لەسەر زۆری و بۆری كورسیەكانی وەزارەت نیە، ئەوەندەی دەبێت لە رووی ستراتیژیەوە، هەنگاو بۆ بابەتە سیادیەكان بنێت، كەسێك بەناوی كاوە محەمەد كە بریاری داوە تا دەمرێت لە بەغدای پڕ لە خێر و بێری پەرلەمانتار و وەزیر بێـت، دەنووسێت هۆكاری پشتگیری نەكردنی كورد لە عەلاوی بۆ گرێی دەروونی هەندێك سەركردە دەگەرێتەوە، ئاخر حزبی سیاسی لەسەر بنەمای ئەو جۆڕ لە ئەماتۆرە سیاسیە گەنگەشەی سیاسەت بكات و راپۆرتی سیاسی بلوێنێت، هەر ئەوەی لێبەر هەم دێت كە رۆژ لەرۆژ مەهزەلەی نێو جەماوەری كوردستان دەبێت.
لەبنەرەتدا كارتۆنەكەی بەناوی عەڵاوی كە پێناسەی سەربەخۆی دەكرد پیلانگێریەكی مەترسیداری سەدر بوو بۆ مۆنۆپۆڵكردنی دەسەڵات لە عێراق، لەروانگەی سەدر دا كە رۆژانێك پێش شكەستەكەی نیسابی یاسایی لە پەرلەمان، زۆر بەروونی نیەتی سیاسی لەرووی ستراتیژیەوە روونكردەوە لەوەی هیچ پێكهاتەیەك لە عێراقی سەدر دا مەكانێكی وجودی تێدا نیە، وەك خۆی دەلێت، بۆچی با كوردێك سەرۆكوەزیران بێت و با سوونەیەك سەرۆكی هەموو كورد بێت و با شیعەیەك سەرۆكی هەموویان بێت، ئەم نیەتە مەترسیدارەی سەدر بانگەشەیەكی روونی كۆتایی هێنانە بە عێراقی پێكهاتەكان و رێك وێنا و بەرنامەی روونی ئەو مەهزەلە سەدامیەیە كە لە كوردستان لەژێر ناوی مستەشار و حزبی كارتۆنی بانگەشەی عێراقی فرە پێكهاتەی پێدەكرد لەكاتێكدا پێشمەرگە لە شاخەكاندا لە بەرگری دابوون، ئەم ئەماتۆڕانە لەوەدا حاڵی نەبوون كە عەڵاوی دەستكەلایەكی سیاسی سەدرە بۆ ئەو قۆناغە و لە نیاز و نیەتدا هەڵگری بەرنامەی ئەو نیەتە مەترسیدارە بوو كە سەدر دەیەوێت لە عێراق سازی بكات.
كاوە محەمەدە ئەماتۆڕەكان لەوەدا حاڵی نین و قەتیش ناتوانن ئەوە ببینن، كە سیاسەت دۆرێ فاسۆی ئاوازەكانی شعر نیە، تا وەسفای رەواڵەت ئافەرینمان بێـت، ئاخر سیاسەت لەسەر بنەمای ئافەرینی ( پێنیشاندراو) نابێت، چونكە لەبنەرەتدا سیاسەت لەو نیەت و روانگە سیاسیەوە دێت، كە پێمان دەلێت ئەو كابرایە بەتەمایە بگات بەچی و بۆچی هەنگاو دەنێت، ئاخر ئەو مەهزەلەیە تۆ پێت وابێت كورد لەبەغدا دا كێشەی ( تەنها مووچە و وەزارەتە) ئەوە بەسە بۆ ئەوە لەوە تێبگەین كە ئەمانە چاوكوێری سیاسین و حەیابەرەیە لەبەغدادا بەقات و ریباتێكەوە پێناسەی سیاسەتی حزبی كوردی بكەن. عەلڵاوی هەركە ناوی راسپاردرا سێ ئاماژەی گرینگ هەبوو بۆ تەقیم كردنی، ئەم پیاوە رووتە كارتۆنیە لەوە دا دەركەوت”.
یەكەم نیەتی سەدر لە بابەتە ستراتیژیەكاندا و دەستبردن بۆ هەستیاری سەروەری كورد، ئەویش پێشمەرگە، پێشاندانی ئەو بەرنامە مەترسیدارە بوو كە عەڵاوی دەیوێت لە مەزادی سیاسی بە سەربەخۆ پێمان بفرۆشێت.
دووەم نەبوونی گفتوگۆیەكی گونجاو ئەهلی دانووستاندن لە سیاسەتدا، بەڵكو رێك پێناسەی قسەكەرێكی مافیای وێناكرد، هیچ رێزێكی بۆ فەزای زاڵی عێراق نەكرد كە سێ كۆڵەكەی سەرەكیەكەیەتی كە پێكهاتە نەتەوەی و هەزهەبیە”.
سێهەم لەوەدا لە پیلانگێری بوو كە هەرێم وەك پارێزگایەك وێناكرد بەوەی كە مافی دانانی نوێنەر و شەراكەتی راستەقینەی لەنەیتدا بەسەربەخۆ و فەرمانبەر لەحكۆمەت بەستەوە..
ئالێرەیە كاوە محەمەدەكان دەلێن (كەلەرەقی) عەڵاوی لەبەرامبەر كورد دا (لەوەسفی ئافەرینی دایە) سیاسیەك ئەوەی زۆر بەئاسانی بێتە دەم، ئیتر دەبێت لەوە تێبگەین ئەم ئەماتۆرانە هیچ رەبتێكیان بە بوونی سیاسەتەوە نیە، زۆر بەئاسانیش دەتوانین هەست بەوە بكەین. كە ئەمانە لە مەشتەڵێكی سەتحین و بەدیار جوانی دیكۆرەكانی گوڵ دانیشتوون و فڕ ئاگایان لە دونیا نیە”.
