ئه‌مه‌ریكا داوا له حكومه‌تی عێراق ده‌كات به‌رپـرسانی كوشتنی هاشم هاشمی دادگایی بكات
باڵیۆزخانه‌ی ئه‌مه‌ریكا له به‌غدا ڕاگه‌یاندراوێكی سه‌باره‌ت به كوژرانی هاشم هاشمی، شیكه‌ره‌وه‌ی سیاسی عێراقی و شاره‌زای گروپه توندڕه‌وه‌كان، بڵاوكرده‌وه.
باڵیۆزخانه‌ی ئه‌مه‌ریكا له‌هه‌ژماری تایبه‌تی خۆی له‌تۆڕی كۆمه‌ڵایه‌تی فه‌یسبووك نووسیویه‌تی:شاندی دیپـلۆماسی ئه‌مه‌ریكا له عێراق تووشی شۆك و دڵگرانیـیه‌كی زۆربوو به‌هۆی كوشتنی نامه‌ردانه‌ی ئه‌كادیمی دكتۆر هاشم ئه‌لهاشمی. سه‌ره‌خۆشی له خێزانه‌كه‌ی و خه‌ڵكی عێراق ده‌كه‌ین بۆ له‌ده‌ستدانی ئه‌م سه‌روه‌ته نیشتمانیـیه‌ی عێراق به‌م شێوه تراژیدیـیه، داوا له حكومه‌تی عێراق ده‌كه‌ین په‌له بكات له ڕاپـێچكردنی به‌پـرسانی ئه‌م كوشتنه بۆ به‌رده‌م دادگا .
هاشمی شه‌وی دووشه‌ممه له به‌رده‌م ماڵه‌كه‌ی له ناوچه‌ی زه‌یونه‌ی به‌غدا كوژرا. به‌پـێی ڤیدیۆیه‌كی كامێرای چاودێری هێرشبه‌ره‌كان 4 كه‌س بوون له‌سه‌ر 2 ماتۆرسكیل. به‌ر له‌وه‌ی هاشمی به ئۆتۆمبیله‌كه‌ی بگاته‌وه به‌رده‌م ماڵه‌كه‌ی، ئه‌وان له نزیك ماڵه‌كه‌ی چاوه‌ڕێیان ده‌كرد. یه‌ك له هێرشبه‌ره‌كان له‌سه‌ر یه‌ك له ماتۆرسكیله‌كان داده‌به‌زێت و ته‌قه له هاشمی ده‌كات. ده‌ڵێن گولـله‌كانی ناوه به سه‌ر و سنگی هاشمی.
به‌پـێی لێدوانی ڕۆژنامه‌نووسێك بۆ كه‌ناڵی ئه‌لحوڕه كه نه‌یویستووه ناوی ئاشكرابكرێت، پـێش كه‌متر له دوو هه‌فته هاشمی پـێی گوتووه به‌رده‌وام هه‌ڕه‌شه‌ی كوشتنی لێده‌كرێت و یه‌كێك له‌وانه‌ی هه‌ڕه‌شه‌یان لێكردووه ئه‌بو عه‌لی ئه‌لعه‌سكه‌ری گوته‌بێژی ئاسایشی ملیشیاكانی كه‌تائیب حزبوڵڵای سه‌ر به ئێران بووه.
هاشمی ناسرابوو به‌وه‌ی له ده‌زگاكانی ڕاگه‌یاندن باسی له گه‌نده‌ڵی له عێراق ده‌كرد و هه‌روه‌ها ئه‌و بێ سه‌روبه‌رییه‌ی به‌شێكی وڵاته‌كه‌ی به‌هۆی ملیشیاكانه‌وه گرتووه‌ته‌وه.
ئۆفیسی سەرۆک وەزیری عێراق سەرەخۆشی سەرۆک وەزیری ڕاگەیاند و نووسیویەتی کازمی بەڵێنی داوە تاوانکاران سزای ڕەوای خۆیان وەربگرن، وە ڕێگە نادات کوشتن و تیرۆرکاری بگەڕێنەوە بۆ وڵاتەکە
سه‌رچاوه / ده‌نگی ئه‌مریكا
🔻دراجة .. كم شهيد إغتاليتوه بدراجة
العصائب .. الكتائب .. كلكم تغتالون بالدراجة
ولد القندرة ليش .. ولكم ماعنده بس كلمته
والله بس الكلمة .. ولكم راح اموت يا الله راح اموت
ولكم مايستاهل هالولد والله .. والله اعتبره مثلي الاعلى بالاعتدال .. ولكم ليش .. والله #هشام_الهاشمي مايستاهل pic.twitter.com/PI37nYCv59— 𒀀𒆷𒂊 علـي ثانــِي (@alithesecond1) July 6, 2020
