عێراق: گرووپە توندڕەوەکان هێزەکانی هاوپەیمانان ناچار بە تەسلیم بون دەکەن
دوای ئه‌وه‌ی هێزه‌كانی هاپه‌یمانان هه‌موو ئه‌و كه‌ل و په‌لانه‌ی كه له سه‌ربازگه‌ی تاجی هه‌بوون راده‌ستی هێزه عێراقیه‌كان كرد، به پێی زانیاری میدیا عێراقییه‌كان سبه‌ی هێزه‌كانی هاوپه‌یمانان به ته‌واوه‌تی له‌و سه‌ربازگه‌یه ده‌كشێنه‌وه.
له لایه‌كی دیكه‌وه سه‌رچاوه‌یه‌كی ئه‌منی له پارێزگای به‌غدا رایگه‌یاند، ئێواره‌ی ئه‌مڕۆ بۆمبێكی چێندراو به‌كاروانێكی هاوكاری هێزه‌كانی سوپای ئه‌مریكا ته‌قیوه‌ته‌وه.
ئه‌و سه‌رچاوه‌یه راشیگه‌یاندووه كه بۆمبێكی چێندراو له سه‌ر رێگای خێرای ناوچه‌ی غه‌زالیه‌ی رۆژئاوای به‌غدا، به كاروانێكی هاوكاری هێزه‌كانی سوپای ئه‌مریكا ته‌قیوه‌ته‌وه.
هێزیكی زۆری ئه‌منی گه‌یشتونه‌ته شوێنی روداوه‌كه و لێكۆڵینه‌وه‌یان ده‌ستپێكردوه هه‌روه‌ها راشیگه‌یاندووه ته‌قینه‌وه‌كه جگه له زیانی ماددی هیچ زیانێكی گیانی به‌دواوه نه‌بووه ته‌قینه‌وه‌كه.
ته‌قینه‌وه‌ی بۆمبه‌كه له كاتێكدایه كه١٥ی ئه‌م مانگه‌ش، بۆمبێك به‌كاروانێكی هاوكاری تایبه‌تی سوپای ئه‌مریكا له‌سه‌ر رێگه‌ی نێوان پارێزگاكانی زیقاڕ و به‌سڕه ته‌قیه‌وه و زیانی ماددی زۆر به‌ر ئۆتۆمبێله‌كان گه‌یاند.
