له هه‌ولێر چەند کۆگایەکی دەرمان داخران
له چوارچێوه‌ی هه‌ڵمه‌ته‌كانی رووبه‌روو بوونه‌وه‌ی سه‌رپێچیه‌كان بەشی چاودێری بازاری بەرێوەبەرایەتی کۆنترۆڵی جۆری دەرمان و نوێنەری لقی هەولێری سەندیکای دەرمانسازانی کوردستان لە هەڵمەتێکدا بەدواداچوونی بۆ چەند کۆگایەکی دەرمان و دەرمانخانەیەکی لە شاری هەولێر کرد.
به پێی رێنماییه ته‌ندروستیه‌كان لیژنه‌كه بڕیاریدا له لە رێکەوتی ٤/١١/٢٠٢٠ و بەهۆی پابەند نەبوون بە رێنماییەکانی بەرێوەبەرایەتیەکەمان بڕیار درا دوو کۆگای دەرمان لە شاری ھەولێر دابخرێن.
هه‌روه‌ها لیژنه‌كه راشیگه‌یاندووه كه داوا لە کۆگای دەرمان و دەرمانخانەکان دەکەین خۆیان بە دوور بگرن لە مامەڵەکردن بە دەرمانی نایاسایی و بێ مۆلەت، چونکە رێکاری یاسایی توند دەگیرێتەبەر بەرانبەر ئەو شوێنانەی مامەڵە بە دەرمانی ساختە و قاچاخ دەکەن.
