وه‌زیری ته‌ندروستی به‌ریتانیا: سیسته‌می ته‌ندروستی وڵاته‌كه‌مان به هۆی كۆرۆنای گۆڕاو له ژێر مه‌ترسیه‌كی گه‌وره‌دایه
دواى ئه‌وه‌ی جۆرێكی نوێی ڤایرۆسی كۆرۆنا له وڵاتی به‌ریتانیا تۆماركرا، وه‌زیری ته‌ندروستی ئه‌و وڵاته رایگه‌یاندووه كه ڤایرۆسه‌كه زۆر به خێرایی بڵاو ده‌بێته‌وه و سیسته‌می ته‌ندروستی به‌ریتانیا له ژێر مه‌ترسیه‌كی گه‌روه‌دایه.
مات هانکوک وەزیری تەندروستی بەریتانیا ئه‌مڕۆ له رێگای میدیاكانی وڵاته‌كه‌ی بۆ جارێكی دیكه هۆشداریداو رایگه‌یاندووه كه كۆرۆنای گۆڕاو زۆر به خێرایی بڵاو ده‌بێته‌وه‌و سیستمی تەدروستی بەریتانیای خستووەتە دۆخێکی زۆر زۆر مەترسیدارەوە.
هه‌روه‌ها وه‌زیری ته‌ندروستی به‌ریتانیا رایگه‌یاند وەرگرتنی ڤاکسین و کۆنترۆڵکردنی پەتاکە، بە مانای ئەوە نییە بە تەواوی کۆرۆنایان لەناوبردووە، له‌وانه‌یه پرۆسەی وەرگرتنی ڤاکسینەکە دووبارە بکرێتەوە، چونکە تا ئێستا ماوەی بەرگری لەشی ئەو کەسانە نازانن کە فاکسینەکەیان وەرگرتووە.
