روونکردنەوەیەک لە وەزارەتی دارایی و ئابووری هەرێمی کوردستان
وەزارەتی دارایی و ئابوریی روونکردنەوەیەک لە. بارەی هەواڵێکی چەند میدیایەک بڵاودەکاتەوەو رایدەگەیێنێت، له میدیاكانەوە هه‌واڵی ده‌ركردنی فه‌رمانی ده‌ستگیركردن بۆ به‌رپرسانی ده‌روازه‌ی په‌روێزخان و گومرك به مه‌به‌ست بڵاوده‌كرێته‌وه و لە کاتێکدا فه‌رمانبه‌ر و به‌رپرسانی ده‌روازه و گومرك به پێی یاسا و رێنمایه‌كان كاری خۆیان ئه‌نجام ده‌ده‌ن.
وه‌زاره‌تی دارایی و ئابوریی حکومەتی هەرێم لە رونکردنەوەیەکدا ئاماژە بەوە دەکات، ماوه‌ی چه‌ند رۆژێكه له میدیاكانەوە هه‌واڵی ده‌ركردنی فه‌رمانی ده‌ستگیركردن بۆ به‌رپرسانی ده‌روازه‌ی په‌روێزخان و گومرك به مه‌به‌ست بڵاوده‌كرێته‌وه، به پێویستی ده‌زانین هه‌مو لایه‌ك ئاگادار بكەینەوە، كه فه‌رمانبه‌ر و به‌رپرسانی ده‌روازه‌و گومرك كاری خۆیان به پێی یاسا و رێنمایه‌كان ئه‌نجام ده‌ده‌ن و ئه‌م بابه‌ته هیچ لێكدانه‌وه‌ی دیكه هه‌ڵناگرێت.
وەزارەتی دارایی باسی له‌وه‌شكردووه:”ئه‌م پرسه ده‌رئه‌نجامی پابه‌ندی ته‌واوی بەڕێوەبه‌رانه و به فه‌رمانی وه‌زاره‌تمان و له داهاتودا رونكردنه‌وه‌و ورده‌كاری زیاتر ده‌خه‌ینه‌ڕو”.
