نێچیرڤان بارزانی سهركۆنهی هێرشه تیرۆریستیهكهی تاران دهكات
![](https://xwakurk.com/wp-content/uploads/2016/12/cfbjhn.jpg)
خواكوڕك
لە پەیامێکدا “نێچیرڤان بارزانی” سهرۆكی حكومهتی ههرێمی كوردستان سهبارهت به هێرشه تیرۆریستیهكهی دوێنێی تارانی پایتهختی ئێران رایدهگهێنێت” بە توندی سەرکۆنەی ھێرشە تیرۆرستییەکانی تاران دهكهم و ھاوخەمم لەگەڵ خانەوادە و کەسوکاری قوربانییان و گەل و کۆماری ئیسلامیی ئێران.
ئەمەش دهقی هاوخهمیهكهی سهرۆكی حكومهتی ههرێمی كوردستانه:-
“بە توندی سەرکۆنەی ئەو ھێرشە تیرۆرسیانە دەکەین کە سەرلەبەیانیی ئەمڕۆ لە تاران کرانە سەر پەرلەمانی ئێران و مەزارگەی ئیمام خومەینی.
ئێمە لە ھەرێمی کوردستان کە لە ڕیزی پێشەوەی جەنگی دژی تیرۆرداین و یادەوەریی تاڵمان لەگەڵ تاوان و کردەوەکانی تیرۆرستاندا ھەیە، باشتر لەو ئازارە دەگەین، بۆیە ھاودەردی و ھاوخەمیی قووڵمان لەگەڵ خانەوادە و کەسوکاری قوربانیان و گەل و کۆماری ئیسلامیی ئێران دەردەبڕین و سەرەخۆشییان لێ دەکەن، خوای گەورە گیانی قوربانییان بە بەھەشت شاد بکات و سەلامەتی بۆ برینداران بنێرێت.
لە ھەر کات و شوێنێکدا تیرۆرستان بۆیان بکرێت و فرسەت بھێنن دەست لە تاوان و کار و کردەوەی تیرۆرستی ناپارێزن و ھیچ وڵات و ئایین و مەزھەب و بڕوایەک ناناسن، بۆیە لە کاتێکدا کار و تاوانەکانیان ڕوو لە فراوانبوونە، ئەرکێکی ھەنووکەییی مرۆیی و پێویستییەکی نێودەوڵەتییە کە ڕێکاری توندتر بگیرێتە بەر و ھەماھەنگی زیاتر لە ھەموو ئاستێکدا بکرێت بۆ ئەوەی ڕووبەڕووی بیر و کردەوەکانی تیرۆرستان ببینەوە.
سەرەخۆشی و ھاوخەمی و پشتگیریمان بۆ کۆماری ئیسلامیی ئێران و خانەوادە و کەسوکاری قوربانییان دووپات دەکەینەوە.”