حكومه‌تی هه‌رێم سه‌ره‌خۆشی له خانه‌واده‌ی شه‌هید به‌ختیار حه‌داد ده‌كات
خواكوڕك
پاش شه‌هید بوونی رۆژنامه‌نووس (به‌ختیار عبدالله حه‌داد) له شاری موسڵ، گوتەبێژی حکومەتی هەرێمی کوردستان هاوخەمی بۆ شەهیدبوونی رۆژنامەنووس و وەرگێڕى ناوبراو دەردەبڕێت و بەناوی حکومەتى هەرێمى کوردستانەوە هاوخەمى و سەرەخۆشى ئاراستەی کەسوکار و ماڵباته‌كه‌ی دەکات.
(سەفین دزەیی) گوتەبێژی حکومەتی هەرێمی کوردستان رایدەگەیێنێت “بەداخ و پەژارەیەکى زۆرەوە هەواڵى شەهید بوونى رۆژنامەنووس و وەرگێڕى کورد (بەختیار عەبدوالله حەداد) مان بیست، کە لەگەڵ تیمێکى رۆژنامەوانى فەرەنسى لە کاتى رووماڵکردنی ئۆپەراسیۆنه‌كانى سوپاى عێراق له گه‌ڕه‌كى موسڵى كۆن بەهۆى تەقینەوەى بۆمبێکى چێنراو شه‌هید بوو، بەناوى حکومەتى هەرێمى کوردستانەوە هاوخەمى و سەرەخۆشى ئاراستەى بنەماڵە و دۆستانی شەهید رۆژنامه‌نووس (به‌ختیار حه‌داد) و رۆژنامه‌وانه فەره‌نسییه‌که ده‌کات و هیواى چاکبوونەوەى خێراش بۆ برینداران دەخوازێت.
ئه‌وه‌ی شایه‌نی باسه” دوێنێ دوو شه‌ممه 19/6/2017 له مۆسڵی كۆن بۆمبێك به ئۆتۆمبێلی رۆژنامه‌نووس به‌ختیار حه‌دا ته‌قیه‌وه و له‌گه‌ڵ سێ رۆژنامه‌نووسی فه‌ره‌نسیدا، سه‌ر ئه‌نجام، حه‌داد شه‌هید بوو، له‌گه‌ڵ رۆژنامه‌نووسێكی تری فه‌ڕه‌نسی.
