ناوه‌نده نێوده‌وڵه‌تیه‌كان خۆپێشاندانه‌كانی عێراق ته‌نها له‌عێراق نامێنێته‌وه، په‌ره ده‌سێنێت
ناوه‌ندی لێكۆلینه‌وه نێوده‌وڵه‌تی بۆ دادپه‌روه‌ری و گه‌شه‌پێدان بۆ مافه‌كانى مرۆڤ له خۆرهه‌ڵاتى ناوه‌ڕاست و باكوورى ئه‌فریقیا، له راپۆرتێكی دا له‌باره‌ی خۆپێشاندانه‌كانی عێراق كه به‌شۆره‌شی برسیه‌كان ناسراوه، پێشبینی ده‌كات، شۆِرشی برسییه‌كان له عێراق” فراوانتر ببێته‌وه و جگه له ته‌واوى شاره‌كانى عێراق، ئوردن و میسڕیش بگرێته‌وه،ناوه‌نده‌كه داوا له گه‌نجانى عێراق ده‌كات، حكوومه‌تی گه‌ل پێكبهێنن و ده‌ست به‌سه‌ر سامان و سه‌روه‌تى به‌رپرسه گه‌نده‌ڵه‌كاندا بگرن و دادگاییان بكه‌ن، میلیشیا مه‌زهه‌بی و تایفییه‌كانیش له‌ناو ببه‌ن”.
زێدان قه‌نایی گوته‌بێژی ناوه‌نده‌كه ده‌شلێـ”یه‌كگرتنى سه‌رانى گه‌نده‌ڵى له‌عێراق، كه له سه‌ركرده سیاسی و حزبی و حكوومییكان و هه‌روه‌ها میلیشیا مه‌زهه‌بییه‌كان، پێكهاتوون، هاوپه‌یمانییه‌تێكه دژ به گه‌لى عێراق به‌هه‌موو پێكهاته‌كانه‌وه، جه‌خت ده‌كاته‌وه، كه سه‌رناى ئه‌و هاوپه‌یمانێتییه‌ه گه‌نده‌ڵه، هۆكارن بۆ داڕمانى ئابوورى عێراق، هه‌روه‌ها گوتی: “سه‌ربارى ئه‌وه‌ى بودجه‌ى ساڵانه‌ى ده‌وڵه‌ت سه‌دان ملیار دۆلارى ئه‌مریكی بووه، به‌ڵام بێ كاری و گه‌نده‌ڵى و بێ به‌شكردنى عێراقییه‌كان له داهاتى نه‌وت و خزمه‌تگوزارییه‌كان، به‌رهه‌مى ئه‌و گه‌نده‌ڵانه بووه”.
هه‌روه‌ها ناوه‌نده‌كه پێشبینی ده‌كات، “شۆِرشی برسییه‌كان” بگاته هه‌موو پارێزگاكانى باشوور و ناوه‌ڕاستى عێراق و ته‌واوى شار و شارۆچكه‌كای دیكه‌ش بگرێته‌وه، هه‌روه‌ها درێژه‌ش بكێشێت بۆ وڵاتانى ترى وه‌ك ئوردن و میسڕ”.
