نزیكه‌ى ۱۰۰ كۆمپانیاى وه‌به‌رهێن له ئێران ده‌كشێنه‌وه
به‌هوى بریاره‌كه‌ى ئه‌مریكا بۆ سه‌ر ئێران ، نزیكه‌ى ۱۰۰ كۆمپانیاى وه‌به‌رهێن بازاره‌كانى ئه‌و ووڵاته به جێده‌هێڵن.
ڕۆژى سێ شه‌ممه‌ى رابردوو به‌مه‌به‌ستى زیادكردنى فشاره‌كانى له‌سه‌ر ئێران ئه‌مریكا یه‌كه‌م سزادانى خۆى به‌سه‌ر ئێراند سه‌پاند و راشیگه‌یاند: هه‌ر ده‌وله‌َتێكیش بازرگانى له‌گه‌ڵ ئێران ئه‌نجامبدات ئه‌وا په‌یوه‌ندى بازرگانى له‌گه‌ڵ من نامێنێت.
دواى ئه‌م بریاره‌ى سه‌رۆكى ئه‌مریكا نزیكه‌ى ۱۰۰ كۆمپانیاى گه‌وره‌ى نێو ده‌وڵه‌تى به‌رهه‌مهێن له بازاڕه‌كانى ئیران كشانه‌وه ، له‌وانه هه‌ردوو كۆمپانیاى فه‌ره‌نسى “بیجو” و “رینۆ” ، “دیالمر”ى ئه‌ڵمانى بۆ به‌رهه‌مهێنانى ئۆتۆمبێل ، “تۆتاڵ”ى فه‌ره‌نسى بۆ به‌رهه‌مهێنانى سوته‌مه‌نى ، “سمینس” ى ئه‌ڵمانى بۆ به‌رهه‌مهێنانى ته‌كنه‌لۆژیا.
۸ى مانگى ۵ى راِبردوو سه‌رۆكى ئه‌مریكا كشانه‌وه‌ى له رێككه‌وتنه ئه‌تۆمیه‌كه‌ى ئێران و دووباره كاركردن به سزا ئابووریه‌كانى له‌سه‌ر تاران و هه‌روه‌ها ئه‌و كۆمپانیانه‌ى كه كار له‌گه‌ڵ ئێران ده‌كه‌ن راگه‌یاند .
