وه‌زاره‌تی ناوخۆ: به‌هیچ جۆرێك نابێت ئۆتۆمبێله حكومییه‌كان ببرێنه‌وه ماڵه‌وه
به‌رپرسێكی وه‌زاره‌تی ناوخۆ رایده‌گه‌ێنێت، سه‌رجه‌م ئۆتۆمبێله حكومییه‌كان لۆگۆیه‌كی تایبه‌تیان لێده‌درێت و به‌هیچ جۆرێكیش نابێت ئۆتۆمبێله حكومییه‌كان ببرێنه‌وه ماڵه‌وه، به‌ڵكو له‌دوای كار ده‌بێت له فه‌رمانگه حكومییه‌كاندا رابگرێن.
د. سامی جه‌لال، به‌ڕێوه‌به‌ری گشتی دیوانی وه‌زاره‌تی ناوخۆی هه‌رێمی كوردستان رایگه‌یاند: به‌پێی بڕیارێكی وه‌زاره‌تی ناوخۆ سه‌رجه‌م ئۆتۆمبێله حكومییه‌كان لۆگۆیه‌كی تایبه‌تیان لێده‌درێت و ئه‌مڕۆش ده‌ست به‌وكاره ده‌كه‌ین و لۆگۆ له چه‌ندین ئۆتۆمبێل ده‌ده‌ین، دواتریش سه‌رجه‌م ئۆتۆمبێله حكومییه‌كان ئه‌و لۆگۆیه‌یان لێده‌درێت.
گوتیشی: به‌هیچ جۆرێك نابێت ئۆتۆمبێله حكومییه‌كان ببرێنه‌وه ماڵه‌وه، به‌ڵكو له‌دوای كار ده‌بێت له فه‌رمانگه حكومییه‌كاندا رابگرێن.
سه‌رچاوه / رووداو
