مه‌زلوم كۆبانێ: پێویسته له ژنێف چاره‌نووسی داعشه ده‌ستگیركراوه‌كانی لای ئێمه یه‌كلابكرێته‌وه
دوای تێكشكاندنی داعش له رۆژئاوای كوردستان و سوریا به هه‌زاران چه‌كداری داعش كه‌وتوونه‌ته ده‌ستی هێزه‌كانی سوریای دیموكراتیك و له ئێستادا له زیندانه‌كانی رۆژئاوا ده‌ستگیركراون، فه‌رمانده‌ی گشتی هێزه‌كانی هه‌سه‌ده‌ش رایده‌گه‌یه‌نێـ پێویسته چاره‌نووسی ئه‌و راگیراوانه‌ی داعش له جنێف یه‌كلا بكرێته‌وه.
مه‌زڵوم عه‌بدی فه‌رمانده‌ی گشتی هێزه‌كانی سوریای دیموكرات –هه‌سه‌ده له تویتێكدا له تۆڕی كۆمه‌ڵایه‌تی تویته‌ررایگه‌یاند: ده‌بێت دۆسیه‌ی 12 هه‌زار چه‌كداری ده‌ستگیركراوی داعشی ناو گرتوخانه‌كانی باكور و رۆژهه‌ڵاتی سوریا له جنێف یه‌كلایی بكرێته‌وه.
عه‌بدی نووسیویه‌تشی: له چوارچێوه‌ی چاره‌سه‌ری سیاسی دۆخی سوریا و به چاودێریی راسته‌وخۆی نه‌ته‌وه‌یه‌كگرتوه‌كان، پێویسته ئه‌و دۆسیه‌یه له‌سه‌ر مێزی نه‌ته‌وه‌یه‌كگرتوه‌كان یه‌كلایی بكرێته‌وه و چاره‌نوسیان دیاری بكرێت.
هه‌لوێسته‌كه‌ی مه‌زلوم عه‌بدی دوای ئه‌وه‌هات كه وه‌زیری ده‌ره‌وه‌ی فه‌ڕه‌نسا رایگه‌یاند بوو پێویسته چاره‌نوسی ده‌ستگیراوانی داعش له لای شه‌ڕڤانان یه‌كلا بكرێته‌وه.
