عێراق : حاڵەتی تووشبوون بە کۆرۆنا رووی لە هەڵکشانە و 30 حاڵەتی نوێ تۆمار کرا
وەزارەتی تەندروستی عێراق لە ڕاگەیاندراوێکدا ئاشکرای دەکات 30 حاڵەتی نوێی تووشبوون بە ڤایرۆسی کۆرۆنا لە عێراق تۆمار کراوە .
جەعفەر سادق عەللاوی، وەزیری تەندروستی هاوکات چەند داواکارییەک ئاراستەی هاووڵاتیانی عێراق دەکات و دەڵێت داواکارین ئەو کەسانەی نیشانەکانی تووشبوون بە کۆرۆنایان تێدا بەدی دەکرێت با خۆیان بێن بۆ چارەسەر ، چوونکە ئەوانەی تا ئیستا گیانیان لە دەست داوە بە هۆی کەمتەرخەمییەوە بووە .
هەروەها گووتی ، راشكاوانە رایدەگەیەنین ، بەگوێرەی رێنماییەكانی رێكخراوی تەندروستی جیهانی با تەرمەکانی تووشبوو بە ڤایرۆسی کۆرۆنا بە خاک بسپێردرێن ،داواش لە مەرجەعە ئاینییەكان دەكەین، رێنمایی هاووڵاتیان بکەن ، بۆ ئەوەی ئاسانكاریمان بۆ بکەن و نەبنە هۆی تەشەنە کردنی زیاتری ڤایرۆسەکە.
لە بەشیکی تری بەیاننامەکەدا هاتووە ناوەندی پشكنینی تاقیگەیی كراوەتەوە و سەنتەرێكی زۆر پێشكەوتوو لە بەر دەستە و پسپۆران بەردەوام لە تاقیکاریدان بۆ چارەسەری نوێی هەڵگرانی ڤایرۆسکە ، دڵنیاشتان دەکەینەوە لە ماوەیەکی کەمدا 13 تاقیگەی تر دەکەینەوە لە هەموو عێراقدا بۆ ئەوەی زووتر ئەنجامی پشکنینەکان دەرکەون .
هاوکات دوایین ئاماری تایبەت بە کۆرۆنا بەشیوەی ئامارێک بڵاوکراوەتەوە .
لەماوەی 24 كاتژمێرى رابردوودا 30 حاڵەتی نوێی تووشبوون بە ڤایرۆسی كۆرۆنا لە سەرانسەری عێراق تۆماركراون، بەم شێوەیەی خوارەوە:
6 حاڵەت لە ناوچەی روسافەی شاری بەغدا.
3 حاڵەت لە شاری پزیشكی بەغدا.
حاڵەتێك لە بەسرە.
2 حاڵەت لە موسەننا.
4 حاڵەت لە كەربەلا.
حاڵەتێك لە كەركووك.
4 حاڵەت لە نەجەف.
6 حاڵەت لە سلێمانی.
حاڵەتێك لە دیوانییە.
2 حاڵەت لە هەولێر.
دوو حاڵەتی مردن لە كەركووك و بابل تۆماركراون.
14 حاڵەتی چاكبوونەوە لە ڤایرۆسەكە بەم شێوەیەی خوارەوە لە پارێزگاكان تۆماركراون:
2 حاڵەت لە روسافەی بەغدا.
3 حاڵەت لە بەسرە.
حاڵەتێك لە كەربەلا.
2 حاڵەت لە نەجەف.
5 حاڵەت لە سلێمانی.
حاڵەتێك لە دیالە.
