سەرجەم بیرەئاوەکانی هەولێر مۆلیدەیان بۆ دابین دەکرێت

بەڕێوەبەری ئاوی هەولێرلە لێدوانێکدا بۆ ڕاگەیاندەکان دەڵێت زۆر بە پەلە بیر لە چارەسەری کەمئاوی چەند گەڕەکێکی هەولێر دەکەینەوە کە بە هۆی کەم بوونی کارەبای نشتیمانی و راوەستانی  بیرەکان توووشی بێئاوی بوون .

ئاری ئەحمەد، بەڕێوەبەری ئاوی هەولێرئاشکرای دەکات جیا لە ئاوی ئیفراز نزیکەی 1100 بیری ئاو لە هەولێر بوونی هەیە و هەرکات کارەبای نشتیمانی کەم بێتەوە تووشی کێشەی کەم ئاوی دەبین ، هەربۆیەش بۆ چارەسەری ئەو کێشەیە بڕیارمان داوە هەموو ئەو بیرانەی بێ مۆلیدەن ، مۆلیدەیان بۆ دابین بکەیین .

لە کۆتاییدا ئاماژە بەوە دەکات لە سەرجەمی بیرەکان تەنها 270 بیر کارەبای نشتیمانی و مۆلیدەیان هەیە