قاسم سوله‌یمانی سه‌ره‌خۆشی له نه‌وشیروان مسته‌فا ده‌كات.
خواكوڕك
قاسم سوله‌یمانی فه‌رمانده‌ی فه‌یله‌قی قودسی سوپای پاسدارانی كۆماری ئیسلامی ئێران، بۆ كۆچی دوایی شوعله عه‌لی، هاوسه‌ری نه‌وشیروان مسته‌فا، پرسه‌نامه‌یه‌كی ئاراسته‌ی رێكخه‌ری گشتی بزوتنه‌وه‌ی گۆڕان كردووه.
قاسم سوله‌یمانی له بروسكه‌كه‌دا ده‌ڵێت” به‌وپه‌ڕی ناخۆشییه‌وه هه‌واڵی كۆچی دوایی هاوسه‌ری به‌ڕێزتانم بیست، پرسه‌نامه‌ی خۆمتان پێراده‌گه‌یه‌نم، داوای لێخۆشبون و ره‌حمه‌تی ئیلاهی ده‌كه‌م بۆ كۆچكردوو، بۆ جه‌نابتان و منداڵه‌كان و كه‌سوكارتان له خوا داوای سه‌بر و ئارامی له خوا ده‌كه‌م”.
شوعله عه‌لی هاوسه‌ری نه‌وشیروان مسته‌فا، رۆژی هه‌ینی رابردوو، له نه‌خۆشخانه‌یه‌كی شاری سلێمانی، به‌هۆی نه‌خۆشییه‌وه كۆچی دواییكرد.
نه‌وشیروان مسته‌فای هاوسه‌ری له رۆژی 2/9/2016 وه چووه‌ته ده‌ره‌وه‌ی وڵات و وه‌ك ئه‌وه‌ی سه‌رچاوه نزیكه‌كانی ناو بزوتنه‌وه‌كه‌ی رایانگه‌یاندووه” به‌هۆی نه‌خۆشییه‌وه پزیشكه‌كانی مۆڵه‌تیان نه‌داوه بگه‌ڕێته‌وه كوردستان، هه‌ر بۆیه له رێوڕه‌سمی به‌خاكسپاردن و پرسه‌كه‌شیدا ئاماده نه‌بووه”.
