بایدن : هێزەکانی ئەمریکا ڕاستەوخۆ ” تایوان ” لە هێرشی چین دەپارێزن

سەرۆکی ویلایەتە یەکگرتووەکانی ئەمریکا، جۆ بایدن لە چاوپێکەوتنێکدا رایگەیاند، لە ئەگەری هێرشی سەربازیی چین بۆ سەر تایوان، واشنتۆن ڕاستەوخۆ بە هێزی سەربازی خۆی بەرگری لەو وڵاتە دەکات .

.

لە وەڵامی پرسیارێکدا لەلایەن کەناڵی 60 خولەکی کەناڵی” سی بی ئێس”ە وە کە ئایا هێزەکانی ئەمریکا بەرگری لە دوورگەی خۆبەڕێوەبەری تایوان دەکەن یان نا، بایدن وتی: “بەڵێ، لە ڕاستیدا ئەگەر هێرشێکی وەها بێت کە تایوان توانای بەرگری نەبێت “.

پاشان پرسیار لە سەرۆکی ئەمریکا کرا کە ئایا مەبەستت ئەوەیە کە بە پێچەوانەی شەڕی ئۆکرانیا، ئەمجارەیان ژن و پیاوی ئەمریکی بەرگری لە دوورگەکە دەکەن ئەگەر چین هێرش بکاتە سەر تایوان، ئەویش وەڵامی دایەوە: “بەڵێ”.

ئاژانسی هەواڵی رۆیتەرز دەنووسێت، ئەمجارەیان بایدن لە جاران راشکاوانەتر قسەی کردووە سەبارەت بەوەی کە چۆن ویلایەتە یەکگرتووەکانی ئەمریکا پابەندە بە بەرگریکردن لە تایوان.