گه‌ر ئه‌م نه‌خۆشیانه‌ت هه‌یه كـــــــــێوی بخۆ.
كێوی زیاتر لە پرتەقاڵ ڤیتامین C تێدایە كە زۆر گرنگە بۆ بەهێزكردنی سیستەمی بەرگری لەش دژ بە نەخۆشییەكان بەتایبەتی هەوكردنەكان بە ڤایرۆس و بەكتریا.”
جگە لەم ڤیتامینەو بیتاكارۆتین، كێوی گەلێك مادەی گرنگی تێدایە وەكو فلاڤانۆیدەكان و كارۆتینۆیدەكان كە DNA ناو خانە دەپارێزن، كانزاكانی پۆتاسیۆم و مەگنسیۆم و فۆسفۆرو كۆپەر.
خواردنی كێوی سوودی هەیە بۆ دامركاندنی كۆكە بەتایبەتی كۆكینی شەوانەو هەناسە تەنگی و ویزە ویزی سینگ، بەتایبەتی لەو نەخۆشانەی كە دووچاری رەبۆ بوونەتەوە.
كێوی لە سەختی نیشانەكانی داڕوشانی جومگەكان (سۆفان) كەم دەكاتەوە، هەروەها هەوكردنی رۆماتیزمی جومگەكان.
خواردنی كێوی تا رادەیەكی باش دەتپارێزێت لە تووشبوون بە شێرپەنجەی قۆڵۆن، رەقبوونی خوێنبەرەكان، نەخۆشی دڵی پەیوەست بە نەخۆشی شەكرە، ئەمەش لە لێكۆڵینەوەكاندا هاتووە كە كێوی ئەگەری مردن كەم دەكاتەوە لە نەخۆشییەكانی دڵ و جەڵتەی مێشك و شێرپەنجەدا.
كێوی سەرچاوەیەكی باشە بۆ ڤیتامین E كە دژە ئۆكسانێكی گرنگە كە لە چەوریدا دەتوێتەوەو دژی مادە سەربەستە زیانبەخشەكان كاردەكات.
ریشاڵی كێوی ئاستی كۆلیستیرۆڵ دادەبەزێنێت و جووڵەی ریخۆڵە رێكدەخات، ئەگەری شێرپەنجەی قۆڵۆن كەم دەكاتەوە، ئاستی شەكری خوێنیش كۆنترۆڵ دەكات لە نەخۆشانی شەكرەدا.
لە كۆتاییدا، پیرەكان سوود لە خواردنی كێوی وەردەگرن بۆ پاراستنی چاوەكانیان لە گۆڕانەكانی پەیوەست بە تەمەن.
