كەشناسی هەرێم: پلەكانی گەرما بۆ ژێر سفری سیلیزی دادەبەزێت
كه‌شناسی هه‌رێم رایگه‌یاند، ئه‌مڕۆ ئاسمان ساماڵ ده‌بێت و له كاته‌كانی شه‌ودا له ناوچه شاخاوییه‌كان پله‌كانی گه‌رما بۆ ژێر سفر داده‌به‌زن و شه‌خته دروست ده‌بێت.
له بڵاوكراوه‌یه‌كدا كه‌شناسی هه‌رێم رایگه‌یاند: ئەمڕۆ یه‌كشه‌ممه ئاسمان ساماڵ دەبێت لەگەڵ پەیدابوونی هەندێک پەڵە هەور، لە کاتەکانی شەودا لە ناوچە شاخاویەکان شەختە دروست دەبێت بەهۆی دابەزینی پڵەکانی گەرما بۆ ژێر سفری سیلیزی.
له باره‌ی پله‌كانی گه‌رماوه ده‌ڵێت: نزیک دەبنەوە لە تۆمارکراوی ڕۆژی پێشوو، مه‌ودای بینینیش هه‌شت بۆ 10 كیلۆمه‌تر ده‌بێت.
