بۆ ئه‌وه‌ی دوور بی له نه‌خۆشی شه‌كره و خۆت بپارێزی ئه‌م چوار خۆراكه به‌كاربهێنه
له نویترین توێژینه‌وه ئه‌وه‌ده‌ركه‌وتووه” كه چوار جۆر خواردن ده‌ستنیشان كراوه كه ئه‌گه‌ر بخرێته چوارچێوه‌ی خۆراكی رۆژانه، مرۆڤ له تووشبوون به نه‌خۆشی شه‌كره ده‌پارێزێت و پێشگیری لێ ده‌كات، ئه‌وانیش ئه‌مانه‌ن:
1- میوه‌ی سێو
سێو، ڕیژه‌یه‌كی زۆر له كریسیتنی تێدایه كه ماده‌یه‌كه 20% مرۆڤ له تووشبوون به نه‌خۆشیی شه‌كره ده‌پارێزێت، ئه‌و ماده‌یه له پیاز و شاتوو و ته‌ماته‌یشدا هه‌یه.
به‌ده‌ر له‌و مادانه، خواردنی ماست كه ده‌وڵه‌مه‌نده به پڕۆتین و كالیسیۆم، كار له‌سه‌ر كه‌مكردنه‌وه‌ی به‌رگری جانه‌كان بۆ ئه‌نسۆلین ده‌كات، بۆیه پێش خواردن، كه‌مێك ماست بخورێت سوودی ده‌بێت.
2- ریشاڵه خۆراكییه‌كان
پشتبه‌ست به تازه‌ترین لێكۆڵینه‌وه زانستییه‌كان، خواردنی 25 تا 50 گرامی ئه‌و خواردنانه‌ی ریشاڵیان تێدایه له رۆژێكدا، كار له‌سه‌ر هاوسه‌نگكردنی ڕێژه‌ی شه‌كر له خوێندا ده‌كات، له‌به‌ر ئه‌وه ڕێنوێنییه‌كه وایه: نانی گه‌نم، برنج و مه‌عكه‌ڕۆنه‌ی بۆر و سه‌وزه رۆژانه له‌سه‌ر خوانه‌كه‌ت هه‌بێت.
3- چای سه‌وز
لێكۆڵینه‌وه‌كان ئه‌وه‌یان سه‌لماندووه كه چای سه‌وز بۆ پێشلێگرتنی شه‌كره و نه‌خۆشییه‌كانی دڵ و ده‌مار به‌سووده، رۆڵێكی ئه‌رێنی هه‌یه له باشكردنی توانای جه‌سته بۆ مژینی شه‌كر، بۆیه به‌پێی ڕینوێنییه‌كه چای سه‌وز بێ شیرینكردنی بخورێته‌وه، به تایبه‌ت له وه‌رزی سارددا.
4- دارچین
یه‌كێكه له‌و خواردنانه‌ی یارمه‌تیی جێگیركردن و هاوسه‌نگبوونی رێژه‌ی شه‌كر له خوێن ده‌دات، چونكه وا له خانه هه‌ستیاره‌‌كانی جه‌سته ده‌كات، له‌گه‌ڵ ئه‌نسۆلیندا كارلێك بكات.
