نرخی نه‌وت له دابه‌زین به‌رده‌وامه و ئه‌مڕۆ له‌م ئاسته‌دایه.
نرخی نەوت لە بازاڕەكانی جیهان جارێكی تر دابەزینی تۆمار كردۆتەوە، ئەوەش بەهۆی كەمبوونەوەی خواست لەسەری لە جیهان.
كێشەكانی نێوان ئەمریكاو چین سەبارەت بە سەپاندنی باج بەسەر كەل و پەلی بازرگانی ئەو وڵاتە، بۆتە مایەی مەترسی دروست بوون لەسەر بازاڕەكانی جیهان و ئەوەش كاریگەری كردۆتە سەر نرخی نەوت و دابەزیوە.
نرخی نەوت ماوەی چەند هەفتەیەكە ناجێگیرە ئەوەش بەهۆی فشاری ئێران لەسەر گەرووی بابول مەندەب و كێشەی باجی نێوان ئەمریكاو چین و هەناردەی نەوت لە لیبیاو چەندین كێشەی تر.
بۆ ئەو مەبەستە تاكو ئێوارەی دوێنێ نرخی بەرمیلێك نەوتی برێنت بە (73.21) دۆلارو نرخی بەرمیلێك نەوتی خاویش بە (68.49) دۆلار مامەڵەی پێوەكراوە.
